KERECƐNW KA ƝƐNAMAYA
Ka waajuli kɛ ani ka mɔgɔw kalan: o ye waajibi ye walisa ka mɔgɔw kɛ kalandenw ye
Yezu y’a ɲini a ka kalandenw fɛ u ka taga mɔgɔw kɛ kalandenw ye (Mat. 28:19). Walisa ka se k’o kɛ, fɔɔ an ka waajuli kɛ ani ka mɔgɔw kalan. O koo fila kɔrɔtanin lo. Tuma dɔw la, an ka ɲi k’an yɛrɛ ɲininga ko: ‘Ne be se ka ɲɛtaga kɛ cogo di o koo fila la?’
WAAJULI KƐ
Sanni ka kɔnɔni kɛ mɔgɔw ka na an yɔrɔ, an ka kan ka wuli ka ‘mɔgɔ sɛbɛw’ yɔrɔ ɲini (Mat. 10:11). N’an be waajuli kɛra, yala an be sababu ɲini ka kuma bɛɛ fɛ wa? (Kɛw. 17:17). Ciden Pol y’a sɔbɛ don waajuli baara la minkɛ, o kɛra sababu ye Lidi kɛra kalanden dɔ ye.—Kɛw. 16:13-15.
“K’a ta sɔgɔma, i ka danni kɛ, i kana lafiɲɛ fɔɔ ka taga se wulafɛ ma” (Waaj. 11:6)
VIDEWO NIN FILƐ: KANA WAAJULI KƐLI “DABILA”: SABABU DƆ SEN FƐ, ANI SOO NI SOO. O KƆ, ƝININGALI NUNU JAABI:
-
Ka Samuyɛli to a ka loon o loon baara la, a y’a yira cogo di ko a tun be sababu ɲinina ka tiɲɛn kisɛ dan?
-
Mun na an ka kan ka timinandiya waajuli kɛcogo bɛɛ la?
-
I ka loon o loon baara la, i be se ka kibaro diiman fɔ jɔn lo ye?
MƆGƆW KALAN
Ka se ka mɔgɔw kɛ kalandenw ye, an tɛ dan ka gafew di u ma dɔrɔn. Fɔɔ an ka viziti kura ani bibulukalan kɛ n’u ye walisa k’u dɛmɛ ka ɲɛtaga kɛ Alako ta fan fɛ (1 Kor. 3:6-9). Nka an be jijaliba minw bɛɛ kɛ ka mɔgɔw dɛmɛ u ka tiɲɛn lɔn Masaya koo la, n’an ma nafa bɛrɛ sɔrɔ o la do? (Mat. 13:19-22). Mɔgɔ minw dusukun be komi “dugukoloɲuman,” an ka ɲi ka to k’olu yɔrɔ ɲini.—Mat. 13:23; Kɛw. 13:48.
“Ne ye tutuli kɛ, Apolɔsi y’o sɔn jii la, Ala le kɛra sababu ye u boɲana” (1 Kor. 3:6)
VIDEWO NIN FILƐ: KANA WAAJULI KƐLI “DABILA”: JAMAYƆRƆW LA, ANI MƆGƆW KƐ KALANDENW YE. O KƆ, ƝININGALI NUNU JAABI:
-
Tiɲɛn kisɛ minw danna Ezekiyɛli ni Abigayɛli dusukunw na, Salomon ni Mari y’u sɔn jii la cogo di?
-
An ka laɲinita ka ɲi ka kɛ mun lo ye n’an be waajuli kɛra jamayɔrɔw la ani waajuli baara faan tɔɔw bɛɛ la?
-
An be se ka sinsin kosɔbɛ an ka baara kan cogo di, o min ye ka mɔgɔw kalan tiɲɛn koo la?
