MUN NA O KƆRƆTANIN LO: “Minw . . . labɛnnin lo ka sɔn ɲɛnamaya banbali ma,” tiɲɛn kisɛ min danna u dusukun na, Jehova b’a to o be falen ka bonya (Kɛw. 13:48, Traduction du monde nouveau; 1 Kor. 3:7). Minw be sɔn k’o kalanw sira tagama, n’an b’an jija k’olu dɛmɛ an ka waajuli baara la, o b’a yira ko an be baara kɛ ni Jehova ye (1 Kor. 9:26). U ka kan k’a faamu ko walisa ka kisi, fɔɔ u ka batize ka kɛ kerecɛnw ye (1 Piyɛri 3:21). An b’an ka Bibulu kalandenw dɛmɛ ka kɛ Krista ka kalandenw ye n’an b’u dɛmɛ ka yɛlɛmaniw kɛ u ka ɲɛnamaya kɔnɔ, ka waajuli kɛ, ka mɔgɔw kalan ani k’u yɛrɛkun di Jehova ma.—Mat. 28:19, 20.

O KƐCOGO:

• I ka Bibulu kalandenw dɛmɛ k’a faamu ko u ka bibulukalan kuun ye k’a ɲini ka Jehova lɔn ani k’u koo diya a ye.—Zan 17:3.

• U dɛmɛ ka ɲɛtaga kɛ Alako ta fan fɛ u kɛtɔ ka see sɔrɔ kɔrɔbɔliw kan i n’a fɔ delinanko juguw ani tagamaɲɔgɔn juguw.

• U ka batɛmu ɲɛ, u barika bonya ani u jija. U ka batɛmu kɔ, o kɛ fana.—Kɛw. 14:22.

VIDEWO NIN FILƐ: JEHOVA ALA BENA I DƐMƐ. O KƆ, ƝININGALI NUNU JAABI:

• Mun lo be se k’a to mɔgɔ be siran ka batɛmu ta?

• Diinan mɔgɔkɔrɔw be se ka Bibulu kalandenw dɛmɛ cogo di u ka ɲɛtaga kɛ Alako ta fan fɛ?

• Ezayi 41:10 be mun lo yira an na Jehova koo la?

• Hali n’an ye mɔgɔ dafabaliw ye, jogo jumanw lo be se k’an dɛmɛ ka baara kɛ Jehova ye cogo bɛnnin na?