Ka Pol ni Silasi to kaso la, u ye dɔnkili la ka Jehova tando (Kɛw. 16:25). Siga t’a la, u ka dɔnkili ye barika don u la ka se ka muɲuli kɛ. Anw do? An be dɔnkili minw la an ka batoli tuma na ani JW telewisɔn ka dɔnkiliw be se k’an jija ani k’an dɛmɛ ka to kantigiya la gwɛlɛya tuma na. Min kɔrɔtanin lo yɛrɛ, o ye ko n’an b’o dɔnkiliw la, an be Jehova tando (Zab. 28:7). U y’an jija ko an ka dɔnkili damanin ka kumadenw degi k’u to an hakili la. Yala i y’a ɲini k’o kɛ wa? An be se ka dɔnkiliw la ani k’u ka kumadenw degi an ka gwa kɔnɔ batoli la.

VIDEWO NIN FILƐ: DENMISƐNW BE DƆNKILI LA KA JEHOVA TANDO. O KƆ, ƝININGALI NUNU JAABI:

• N’an be Masaya dɔnkiliw la, o be se ka mun lo kɛ an na?

• Videwow ani fɛɛn lamɛntaw labɛnbagaw be labɛn juman lo kɛ walisa ka mɔgɔw kaan ta n’u be dɔnkiliw lara?

• Denmisɛnw n’u somɔgɔw b’u yɛrɛ labɛn cogo di walisa u k’u kaan ta n’u be dɔnkili lara stidiyo kɔnɔ?

• Dɔnkili jumanw lo ka di i ye ka tɛmɛ? Mun na do?