KERECƐNW KA ƝƐNAMAYA
A ɲini k’i ka waajuli kɛcogo fisaya: Baara kɛ koɲuman ni ɲiningaliw ye
MUN NA O KƆRƆTANIN LO: Ni “mɔgɔ kɔnɔnako be i ko jii min ka dun,” ɲiningaliw be i n’a fɔ foroko walisa k’o jii sama (Talenw 20:5). Ɲiningaliw b’an dɛmɛ k’an lamɛnbaga niin don baro la. N’an be ɲiningali ɲumanw sugandi, tuma dɔw la, u jaabiliw be se k’an dɛmɛ ka lamɛnbagaw ka miiriya lɔn. Yezu ye baara kɛ koɲuman ni ɲiningaliw ye. An be se k’a ladegi cogo di?
O BE KƐ COGO DI:
-
Ɲiningali dɔw kɛ, minw bena lamɛnbaga lasun k’a ka miiriya fɔ: Yezu ye ɲiningali dɔw kɛ walisa k’a ka kalandenw ka miiriya lɔn (Mat. 16:13-16; be-F 238 § 3-5). I be se ka ɲiningali jumanw lo kɛ?
-
Ɲiningali dɔw kɛ minw bena lamɛnbaga dɛmɛ ka jaabili ɲumanw sɔrɔ: Walisa ka Piyɛri ka miiriya latilen, Yezu ye ɲiningali kɛ ani a ye jaabili dɔw di walisa ka Piyɛri dɛmɛ ka jaabili ɲuman sɔrɔ (Mat. 17:24-26). I be se ka ɲiningali jumanw lo kɛ walisa i lamɛnbaga ka jaabili ɲuman sɔrɔ?
-
I lamɛnbaga tando: Tuma min na sariya karamɔgɔ dɔ ye “jaabili kɛ ni hakilitigiya ye,” Yezu y’a tando (Mariki 12:34, Bible senuma). I be se k’i lamɛnbaga tando cogo di n’a ye ɲiningali dɔ jaabi?
VIDEWO NIN YƆRƆ FƆLƆ FILƐ: YEZU YE BAARA MIN KƐ, A LADEGI: MƆGƆW KALAN. O KƆ, ƝININGALI NUNU JAABI:
-
Mun na o tɛ kalankɛcogo ɲuman ye, hali ni kalanfa be min fɔra, tiɲɛn lo?
-
Mun na an man kan ka dan ɲɛfɔli dɔrɔn ma?
VIDEWO YƆRƆ FILANAN FILƐ. O KƆ, ƝININGALI NUNU JAABI:
-
Balimacɛ ye baara kɛ koɲuman ni ɲiningaliw ye cogo di?
-
An be se k’a ka kalankɛcogo wɛrɛ jumanw lo ladegi?