9:1-7

Tuma min na Yezu cogo yɛlɛmana, a y’a mɛn a sankolola Faa y’a fɔ ko a koo ka di ale ye. Miiri k’a filɛ o ye min kɛ a la. Tɔɔrɔ min tun b’a kɔnɔna, o kuma ye fanga di a ma walisa ka se k’o muɲu, siga t’o la. O yeli ye nɔɔba to Piyɛri, Zaki ani Zan fana kan: a y’u dɛmɛ ka la a la ko Yezu ye Masiya ye tiɲɛn tiɲɛn na ani ko joo tun b’u fɛ k’a lamɛn. Saan 32 o kɔ, Piyɛri hakili bele tun b’o koo la. A hakili bele tun b’a la fana o koo y’a dɛmɛ cogo min na ka la kosɔbɛ “kiraw ka kuma fɔninw” na.—2 Piyɛri 1:16-19.

Hali n’an m’o yeli kabakoman ye, an b’a yera ko a be dafara. Yezu ye Masacɛba ye ani a be kuntigiya la. Yanni dɔɔni, a bena kɛlɛ kɛ ka “see sɔrɔ.” O kɔ, a bena duniɲa kura sigi, tilennenya bena sigi min kɔnɔ.—Yir. 6:2.

I ɲɛɛ b’a la ko Bibulu ka kiraya kuma be dafara minkɛ, o b’i ka limaniya barika bonya cogo di?