Yezu ye waajuli baara min kɛ Galile mara la, Matiyo sapitiri 8 ni 9 be kuma o dɔ koo la. Yezu tun be mɔgɔw kɛnɛya. O tun b’a ka sebagaya yira. Nka min yɛrɛ kɔrɔtanin lo, o tun b’a yira fana ko a be mɔgɔw kanu kosɔbɛ ani ko a be makari u la.

1. Yezu ye kunatɔ dɔ kɛnɛya.—Mat. 8:1-3.

2. Yezu ye sɔrɔdasi kuntigi dɔ ka baarakɛden kɛnɛya.—Mat. 8:5-13.

   A ye Piyɛri buranmuso kɛnɛya.—Mat. 8:14, 15.

   A ye jinaw gwɛn ka bɔ mɔgɔw la ani ka banabagatɔw kɛnɛya.—Mat. 8:16, 17.

3. Yezu ye jina fariman dɔw gwɛn ka bɔ mɔgɔ dɔw la ani k’u bila ka taga don lɛɛw la.—Mat. 8:28-32.

4. Yezu ye namara dɔ kɛnɛya.—Mat. 9:1-8.

   Muso dɔ magara Yezu ka fani dakun na ani a kɛnɛyara. Yezu ye Zayirus denmuso suu kunu fana.—Mat. 9:18-26.

   A ye fiyentɔ ni bobo dɔ kɛnɛya.—Mat. 9:27-34.

5. Yezu tun be taga dugubaw ni dugudenninw na ka banabagatɔ sifa bɛɛ kɛnɛya.—Mat. 9:35, 36.

N’ be se k’a yira cogo di ko n’ be mɔgɔw kanu ani ko n’ be makari kosɔbɛ u la?