MUN NA A KƆRƆTANIN LO: I na fɔ fɛɛn caaman, rezo sosiyow (réseaux sociaux) be se ka kɛ fɛɛn ɲuman, wala fɛɛn jugu ye. Kerecɛn dɔw b’a latigɛ ka ban u la. Dɔ wɛrɛw be tɛmɛ o sababu fɛ ka to ka baro kɛ n’u teriw ani u denbayamɔgɔw ye. Nka Sutana b’a fɛ an ka baara kɛ n’u ye an kunfɛ. O be se ka kɛ sababu ye an tɔgɔ be tiɲɛ ani teriya min b’an ni Jehova cɛ, o be nagasi. I ko Yezu, an be se ka miiri Bibulu ka sariyakolow la walisa ka rezo sosiyow faratikow lɔn ani k’an yɛrɛ tanga u ma.—Luka 4:4, 8, 12.

FARATIKOW, AN KA ƝI K’AN YƐRƐ KƆRƆSI MINW MA:

• Ka wagati caaman kɛ rezo sosiyow kan. N’an be wagati caaman kɛ rezo sosiyow kan, o be se k’a to an tɛ wagati sɔrɔ tugun ka Alakow kɛ.

  Bibulu ka sariyakolow: Efɛz. 5:15, 16; Filip. 1:10

• Ka fɛɛn bɛnbaliw filɛ. N’an be jaaw filɛ minw be cɛnimusoko nege bila mɔgɔ la, o be se ka an kɛ porno jɔɔn ye wala k’an lasun ka kakalayako kɛ. N’an be kerecɛn murutininw ka sɛbɛw kalan ɛntɛrɛnɛti kan, o be se k’an ka limaniya nagasi.

  Bibulu ka sariyakolow: Mat. 5:28; Filip. 4:8

• Ka foto wala miiriya bɛnbali ci. An dusukun be se k’an lafili. A ka teli k’an lasun ka foto, wala miiriya bɛnbaliw ci rezo sosiyow kan. O be se ka mɔgɔ dɔ tɔgɔ tiɲɛ wala k’a tigi kunnatiɲɛ Alako ta fan fɛ.

  Bibulu ka sariyakolow: Ɔrɔm. 14:13; Efɛz. 4:29

VIDEWO NIN FILƐ: BAARA KƐ NI REZO SOSIYOW YE HAKILITIGIYA LA. O KƆ, A FILƐ I BE SE K’I YƐRƐ TANGA KOO NUNU MA COGO MIN NA: