9:62

Walisa sɛnɛkɛla ka walan ka tilen, a man kan ka filɛli kɛ kɔfɛ. O cogo kelen na, kerecɛn man kan k’a ɲɛɛ lɔnin to duniɲa koow kan, a ye minw to kɔfɛ.—Filip. 3:13.

Ni gwɛlɛyaw b’an kan, an ye wagati diiman minw kɛ fɔlɔ la, n’a sɔrɔ sanni an ka kɛ Jehova Seere ye, an ka teli ka miiri o lo la. N’an y’o kɛ, an ye ninsɔndiya minw sɔrɔ, an be sinsin o lo kan kojugu ani an be ɲina ko an ye tɔɔrɔw fana sɔrɔ. Israɛldenw y’o lo kɛ tuma min na u bɔra Ezipiti (Nɔnb. 11:5, 6). N’an be n’o miiriya ɲɔgɔnw ye, an be se k’a ɲini ka kɔsegi an ka ɲɛnamaya kɛcogo kɔrɔ la. An be duga minw sɔrɔla bi ani an bena ninsɔndiya minw sɔrɔ Ala ka Masaya ka kuntigiya kɔrɔ, a ka fisa an ka sinsin o lo kan!—2 Kor. 4:16-18.