NAFOLOFƐNW ALA KA KUMA KƆNƆ | ƆRƆMUKAW 9-11
Ntalen, oliviye yiri koo la
Oliviye yiri yɔrɔ kelen kelen bɛɛ ye mun lo tagamasiɲɛ ye?
-
Yirisun: O ye tagamasiɲɛ ye min b’a yira ko Ala tun ye layidu min ta Ibrayima ye, a y’a sago dafa o koo la.
-
Yirikuru: O ye Yezu ye, ale min ye Ibrayima bɔnsɔn kuun fɔlɔ ye.
-
Yiribolow: O ye Ibrayima bɔnsɔn tɔɔw ye.
-
‘Yiri bolo minw tigɛra’: O ye Yahutuw ye minw banna Yezu la.
-
Yiri bolo minw ‘nɔrɔla’: O ye kerecɛn mɔlenw ye minw tɛ Yahutuw ye.
Ibrayima bɔnsɔn ye Yezu ni kerecɛn mɔlenw mɔgɔ 144000 lo ye. I ko a tun kɔnna ka fɔ cogo min na, olu bena dugaw lase “siyaw bɛɛ” ma (Ɔrɔm. 11:12; Zɛnɛzi 22:18).
Jehova ye layidu min ta Ibrayima bɔnsɔn koo la, a y’o dafa cogo min na, o be mun lo yira n’ na Jehova koo la?
