N’i be filɛruw kulɛriw ye, ka lolow fanin ye sankolo la, wala ka jii woyotɔ ye ka bɔ fara kan ka jigi, yala i b’i Danbaga bolonɔ ye o sen fɛ wa? Jehova ka danfɛnw b’a ka jogo yebaliw yira ka gwɛ (Ɔrɔm. 1:20). An be fɛɛn minw filɛ, n’an be wagati ta ka miiri u kan, an ka teli ka Ala ka Sebagaya, a ka kanuya, a ka hakilitigiya, a ka tilenninya n’a ka ɲumanya ye.—Zab. 104:24.

Ele be Jehova ka danfɛn kabakoman jumanw lo kɔrɔsi loon o loon? Hali n’i be duguba la, n’a sɔrɔ i be kɔnɔw wala yiriw ye. N’an be Jehova ka danfɛnw lajɛ koɲuman, o be se ka dɔ bɔ an ka haminankow la ani k’a to an be sinsin koo kɔrɔtaninbaw kan. O fana b’a to an be la a la kosɔbɛ ko see be Jehova ye k’an mako wasa fɔɔ abada (Mat. 6:25-32). Ni deenw b’i fɛ, u dɛmɛ ka Jehova ka jogow ye, o minw ɲɔgɔn tɛ yen. Danfɛn minw be yen k’an lamini, n’an b’a to u koo ka diya an ye, an bena an magwɛrɛ kosɔbɛ an Danbaga la.—Zab. 8:4, 5.

VIDEWO NIN FILƐ: ALA KA DANFƐN KABAKOMANW B’A KA NƆƆRƆ YIRA: YEELEN NI KULƐRIW. O KƆ, ƝININGALI NUNU JAABI:

• Mun lo b’a to an be se ka kulɛri sifa caaman ye? O be kɛ cogo di?

• Mun lo b’a to kulɛri dɔw be mɛnɛmɛnɛ ka yɛlɛma yɛlɛma ka kɛ kulɛri wɛrɛ ye?

• Mun lo b’a to an be se ka kulɛri caaman ye sankolo la?

• I ye kulɛri kabakoman jumanw lo kɔrɔsi Jehova ka danfɛnw na i ka luu gɛrɛfɛyɔrɔw la?

• Mun na an ka ɲi ka wagati ta ka danfɛnw lajɛ koɲuman?