Sababu dira Jehova sagokɛlaw bɛɛ ma ka koo dɔw kɛ Jehova tɛna ɲinɛ minw kɔ fewu. Bangebaga min b’a deen kanu, a tɛna ɲinɛ a deen ka koo ɲuman kɛninw kɔ abada. O cogo kelen na, an be koo ɲuman minw kɛ ani an be ni kanuya min ye Jehova tɔgɔ koo la, a tɛna ɲinɛ o kɔ (Mat. 6:20; Eburuw 6:10). Tiɲɛn lo ko an seko n’an ka koow cogoya tɛ kelen ye. Nka, n’an b’an seko bɛɛ kɛ Jehova ka baara la, an be ninsɔndiya sɔrɔ o la (Gal. 6:4; Kɔlɔs. 3:23). Kabi saan caaman, balima waa caaman ye baara kɛ Betɛli la. Yala i be se k’i yɛrɛ di ka baara kɛ Betɛli la wa? N’i tɛ se, yala i be se ka mɔgɔ wɛrɛ jija a k’o kɛ wala ka betɛliden dɔ dɛmɛ walisa a ka to o kudayi cidenya baara la wa?

VIDEWO NIN FILƐ: I YƐRƐ DI KA BAARA KƐ BETƐLI LA. O KƆ, ƝININGALI NUNU JAABI:

• Mun lo ka ɲi ka mɔgɔ lasun ka taga baara kɛ Betɛli la?

• Balima dɔw y’a fɔ ko u ye duga jumanw lo sɔrɔ u kɛtɔ ka baara kɛ Betɛli la?

• Mɔgɔ ka ɲi ka sarati jumanw lo dafa walisa ka baara kɛ Betɛli la?

• I be se ka demandi kɛ cogo di walisa ka baara kɛ Betɛli la?