Minw be Jehova kanu, mun na an ka ɲi ka wagati kɛ n’olu lo ye? Sabu an be wagati kɛ ni mɔgɔ minw ye, u be se k’an lasun ka koo ɲuman kɛ wala ka koo jugu kɛ (Talenw 13:20). Ɲɛyirali fɛ, masacɛ Zowasi tun be to ka wagati kɛ ni sarakalasebagaw kuntigi Yoyada ye. O lo y’a to Zowasi ye ‘koɲuman kɛ Jehova ɲakɔrɔ.’ (2 Til. Kib. 24:2). Nka Yoyada sanin kɔ, jɛnɲɔgɔn juguw ye Zowasi lasun a y’a kɔɔ sin Jehova ma.—2 Til. Kib. 24:17-19.

Saan kɛmɛkulu fɔlɔ la, ciden Pol ye kerecɛn kafo suma ni “soo” ye min ka bon, ani a ye kafomɔgɔw suma ni sokɔnɔ ‘minanw’ ye. An be kɛ minan ɲuman ye n’an b’an yɛrɛ tanga jɛnɲɔgɔn juguw ma, hali ni an somɔgɔ wala kafomɔgɔ dɔ lo, min be koo dɔw kɛ ani o man di Jehova ye (2 Tim. 2:20, 21). O kama, mɔgɔ minw be Jehova kanu ani u b’an jija an ka baara kɛ a ye, an ka to k’olu lo kɛ an teriw ye.

VIDEWO NIN FILƐ: I YƐRƐ TANGA JƐNƝƆGƆN JUGUW MA. O KƆ, ƝININGALI NUNU JAABI:

• Cogo jumanw na an be se ka wagati kɛ ni jɛnɲɔgɔn juguw ye an ɲinɛ ma?

• Videwo nin na, mun lo ye balima saba nunu dɛmɛ ka faran ka bɔ jɛnɲɔgɔn juguw la?

• Bibulu ka sariyakolo jumanw lo be se k’i dɛmɛ k’i jɛnɲɔgɔnw sugandi ka ɲɛ?