N’an b’a fɛ ka desizɔn dɔ ta, a mana kɛ desizɔn dennin wala desizɔnba ye, yala an b’an yɛrɛ ɲininga Jehova bena min miiri wa? Hali n’an tɛna se fewu ka Jehova ka miiriya bɛɛ lɔn, a ye koo caaman yira an na a ka Kuma kɔnɔ walisa k’an labɛn an ka se ka “koɲuman sifa bɛɛ kɛ.” (2 Tim. 3:16, 17; Ɔrɔm. 11:33, 34). Yezu tun b’a faamu ka ɲɛ Ala sago ye min ye ani o lo tun y’a ɲɛnako fɔlɔ ye (Zan 4:34). An k’a ladegi: An k’an seko bɛɛ kɛ walisa an be desizɔn minw ta, u ka diya Jehova ye.—Zan 8:28, 29; Efɛz. 5:15-17.

VIDEWO NIN FILƐ: TO K’A ƝINI KA JEHOVA SAGO LƆN (LEV. 19:18). O KƆ, ƝININGALI NUNU JAABI:

• Mun na an ka ɲi ka Bibulu ka sariyakolow sira tagama?

• Bibulu ka sariyakolo jumanw lo be se k’an dɛmɛ n’an b’a fɛ k’a latigɛ an bena miziki minw lamɛn?

• Bibulu ka sariyakolo jumanw lo be se k’an dɛmɛ fanidoncogo ni sawura koo la?

• An ka ɲɛnamaya faan wɛrɛ jumanw lo la an be se ka Bibulu ka sariyakolow sira tagama?

• Cogo jumanw lo la an be se k’a faamu ka ɲɛ Jehova b’a fɛ an ka min kɛ?