Mun na an ka ɲi k’an ka ɲɛnagwɛkow sugandi ni hakilitigiya ye? Sabu n’an b’a latigɛ ka filimu dɔ filɛ, ka dɔnkili dɔ lamɛn, ka taga site web dɔ kan, ka sɛbɛ dɔ kalan wala ka videwo tulon dɔ kɛ, o kɔrɔ ko an b’a fɛ k’an hakili fa n’o koo lo ye. An be ɲɛnagwɛko minw sugandi, o be nɔɔ to an ka kɛwalew kan. A fɔ man di nka, ɲɛnagwɛko caaman minw be yen bi, koo caaman b’u kɔnɔ Jehova be minw haramuya (Zab. 11:5; Gal. 5:19-21). O kama, Bibulu b’an jija ko koo minw be bonya la Jehova kan, an ka to k’an janto o koow lo la.—Filip. 4:8.

VIDEWO NIN FILƐ: N’ KA ƝI KA ƝƐNAGWƐKO JUMAN LO SUGANDI? O KƆ, ƝININGALI NUNU JAABI:

• Ɔrɔmukaw tun be kɛlɛkɛ ɲɛnagwɛko minw kɛ galen, cogo juman na u bɔnin be an ka ɲɛnagwɛko dɔw ma bi?

• Kafomɔgɔw be se ka kanbelew ni sunguruw dɛmɛ cogo di u ka ɲɛnagwɛkow sugandi ni hakilitigiya ye?

• N’an b’a fɛ ka ɲɛnagwɛko dɔ sugandi, Ɔrɔmukaw 12:9 be se k’an dɛmɛ cogo di?

• Ɲɛnagwɛko ɲuman juman lo be kɛ i ka mara la?