I b’a fɛ i teriw ka kɛ ni jogo jumanw lo ye? N’a sɔrɔ u ka kantigiya n’u ka ɲumanya lo ka di i ye, ani fana n’u be mɔgɔw sɔn. Jehova be n’o jogow bɛɛ ye (Ɛkiz. 34:6; Kɛw. 14:17). N’i b’a deli, a b’i lamɛn. A b’i dɛmɛ n’i mako be dɛmɛ na (Zab. 18:20, 36). N’i filila, a be yafa i ma (1 Zan 1:9). Jehova ye teri ɲuman yɛrɛ lo ye!

I be se ka kɛ Jehova teri ye cogo di? A ɲini k’a lɔn i kɛtɔ k’a ka Kuma kalan. I dusukunnakow bɛɛ fɔ a ye (Zab. 62:9; 142:3). Min kɔrɔtanin lo Jehova fɛ, o ye a Dencɛ, a ka Masaya, ani a ka layiduw koo lo ye. A yira k’o koow kɔrɔtanin lo ele fana fɛ. Jehova kofɔ tɔɔw ye (Deter. 32:3). N’i be jɛnɲɔgɔnya sɔbɛ kɛ ni Jehova ye, a bena kɛ i teri ye fɔɔ abada!—Zab. 73:25, 26, 28.

VIDEWO NIN FILƐ: KANBELEW NI SUNGURUW: “AW K’A NƐNƐ K’A FILƐ KO JEHOVA KA ƝI.” O KƆ, ƝININGALI NUNU JAABI:

• I be se k’i yɛrɛ labɛn yɛrɛkundili ani batɛmu kama cogo di?

• Kafomɔgɔw be se k’i dɛmɛ cogo di ka baara kɛ Jehova ye?

• Jɛnɲɔgɔnya min be e ni Jehova cɛ, waajuli baara be se k’o barika bonya cogo di?

• I be se k’i seen don cidenya baara jumanw lo la?

• Mun lo ka d’i ye Jehova koo la?