KERECƐNW KA ƝƐNAMAYA
Jɛnɲɔgɔnya min be ele ni Jehova cɛ, o jati fɛɛnba ye
Jehova Seerew be ni nɛɛma dɔ ye min ɲɔgɔn tɛ yen. Komi an y’an yɛrɛkun di Jehova ma ani an batizera ka kɛ kerecɛnw ye, jɛnɲɔgɔnya min b’an ni Masaba Jehova cɛ, an b’an jija o ka barika sɔrɔ ka taga. Jehova y’an sama ale ma a Dencɛ sababu la (Zan 6:44). A b’an ka deliliw lamɛn.—Zab. 34:16.
Jɛnɲɔgɔnya min b’an ni Ala cɛ, an be se k’o latanga cogo di? A fɔlɔ, an kana Israɛldenw ka jurumukow ɲɔgɔn kɛ. Jehova tun ye layidu kɛrɛnkɛrɛnnin dɔ ta n’u ye. Dɔɔni o kɔ, u ye misiden sanulaman dɔ dilan ani k’o bato (Ɛkiz. 32:7, 8; 1 Kor. 10:7, 11, 14). An ka ɲi k’an yɛrɛ ɲininga ko: “Ni kɔrɔbɔli dɔ be n’ sen kɔrɔ, n’ ka teli ka mun lo kɛ? Yala n’ ka kɛwalew b’a yira ko jɛnɲɔgɔnya min be ne ni Jehova cɛ, n’ b’o jati fɛɛnba ye wa?” N’an b’an sankolola Faa kanu kosɔbɛ, a be fɛɛn o fɛɛn kɔniya, an bena an yɛrɛ tanga o ma.—Zab. 97:10.
VIDEWO NIN FILƐ: JƐNƝƆGƆNYA MIN BE ELE NI JEHOVA CƐ, O LATANGA (KƆLƆS. 3:5). O KƆ, ƝININGALI NUNU JAABI:
-
Ka ɲɛbɔ mɔgɔ ka fɛɛn fɛ, o kɔrɔ ko di?
-
Mun na an ka ɲi k’an yɛrɛ tanga natabaya ni josɔn ma?
-
Cogo juman na jatɔya ani josɔn bɛɛ ye kelen ye?
-
An furuɲɔgɔn mako be min na, mun na an ka kan k’an janto o la, sanko ni kunkanbaaraw kalifara an ma Jehova ka ɔriganisasiyɔn kɔnɔ?
