Saan o saan, an b’an jija ka kiinmɔgɔw weele u ka na Hakilijigi lajɛn kɛ n’an ye. An t’u caaman lɔn. An ka ɲi k’an lɔnbagaw fana weele. Minw ka lɔnbaga dɔ ye welelisɛbɛ di u ma, olu ka teli ka na (yb08-F 11 § 3; 14 § 1). I be se ka mɔgɔ jumanw lo weele ka na o lajɛn na?

• I somɔgɔw

• I baarakɛɲɔgɔnw wala i lakɔli filankuruw

• I sigiɲɔgɔnw

• I ka viziti kuraw, Bibulu kalanden kɔrɔw ani Bibulu kalanden kuraw

Balima minw sumana Alako ta fan fɛ, diinan mɔgɔkɔrɔw be se k’olu fana weele ka na o lajɛn na. Nka n’i lɔnbaga dɔ t’i ka mara la do? Hakilijigi lajɛn bena kɛ yɔrɔ min na ani wagati min na a tigi sigida la, i be se k’o sɔrɔ jw.org kan, sanfɛyɔrɔ nin na: AN YE JƆN LO YE? O kɔ, yɔrɔ nin sugandi: “Hakilijigi lajɛn.” I yɛrɛ labɛntɔ ɲinan ka Hakilijigi lajɛn kama, miiri k’a filɛ i be se ka mɔgɔ minw weele ka na o lajɛn na ani welelisɛbɛ di u kelen kelen bɛɛ ma.