KERECƐNW KA ƝƐNAMAYA
Mun lo kɔrɔtanin lo ne fɛ ka tɛmɛ fɛɛn bɛɛ kan?
Yakuba ye bondori kɛ ni mɛlɛkɛ dɔ ye fɛɛn kɔrɔtaninba dɔ kosɔn: O ye ka Jehova ka duga sɔrɔ (Zɛnɛzi 32:25-32; Oze 12:4, 5). Anw do? Yala an be sɔn k’an jija sɔbɛ la ka mɛnni kɛ Jehova fɛ walisa k’a ka duga sɔrɔ wa? Ɲɛyirali fɛ, n’an ka kan k’a latigɛ n’an bena taga lajɛn na wala n’an bena to ka baara dɔ kɛ lɛri damanin baara jiginin kɔ, an bena juman lo sugandi? N’an b’an ka wagati, an fanga ani an bololafɛnw di Jehova ma, a bena a ‘ka hɛɛrɛ jigi an kan kosɔbɛ.’ (Mal. 3:10). A bena an ɲɛminɛ, k’an latanga ani k’an mako wasa.—Mat. 6:33; Eburuw 13:5.
VIDEWO NIN FILƐ: I KA LAƝINITA YE MIN YE ALAKO TA FAN FƐ, KANA ƝINƐ O KƆ. O KƆ, ƝININGALI NUNU JAABI:
-
An balimamuso ka baara tun ka di a ye, o kɛra kɔrɔbɔli ye a fɛ cogo di?
-
An ka baara be se ka kɛ kɔrɔbɔli ye an fɛ cogo di?
-
Hali ni Timote tun kɔgɔnin lo Alako ta fan fɛ, mun na a tun ka ɲi ka to ka laɲinitaw latigɛ a yɛrɛ ye?—1 Tim. 4:16.
-
Mun lo kɔrɔtanin lo i fɛ ka tɛmɛ fɛɛn bɛɛ kan?
Baara min kɔrɔtanin lo an fɛ ka tɛmɛ baara tɔɔw bɛɛ kan, an be se k’o yira cogo di?
