An be waajuli kɛ ni zurunali minw ye, kabi saan 2018, barokun deen kelen lo be bɔ o nimɔrɔ kelen kelen bɛɛ la. O zurunaliw bɛɛ ye an ka kalankɛminan dɔw lo ye. O kama, an ka ɲi ka baara kɛ n’u ye waajuli la. An ka ɲi k’u damanin ta an kun fana n’an be taga voyazi la wala sannikɛyɔrɔ la. An tɛ basigi o zurunaliw kan ka bibulukalan kɛ ni mɔgɔw ye. Nka, u be se ka Alakow nege don mɔgɔw la.

Baro daminɛnin kɔ, bibulusen dɔ kalan a tigi ye. Ani, zurunali barokun dɔ kofɔ a ye min bena diya a ye. Ɲɛyirali fɛ, ni denbatigi lo, wala ni dusukasi wala gwɛlɛya wɛrɛ b’a kan, i be se k’a fɔ ko: “A ma mɛɛn, n’ ye barokun diiman dɔ kalan o koo la. N’ be se k’a yira i la wa?” N’i y’a ye ko a tigi y’a mako don, i be se k’o zurunali papiyelaman di a ma, wala k’a ci a ma e-mail fɛ hali ni aw ka ɲɔgɔnyeko fɔlɔ lo. Ka zurunaliw di mɔgɔw ma, o t’an ka laɲinita fɔlɔ ye. Nka, o zurunaliw be se k’an dɛmɛ ka mɔgɔw sɔrɔ minw b’a fɛ ka lɔnniya sɔrɔ ani k’a sira tagama.—Kɛw. 13:48.