5:5-7, 11

Fantanya tun tɛ se ka Israɛlden si bali ka hɛɛrɛ sigi ale ni Jehova cɛ. Hali Israɛlden minw ka fantanya tun ka jugu kosɔbɛ, olu tun be se ka saraka bɔ Jehova ye a bena sɔn min ma. A daan tun ye a ka kɛ fisaman ye. U tun be se ka mugu bɔ saraka ye, nka Jehova tun b’a ɲini u fɛ o ka kɛ mugu tɛntɛnnin ye, u be lonan bisimila ni mugu sifa min ye (Zɛnɛzi 18:6). Bi, hali n’an ka koow cogoya b’a to an tɛ se ka caaman kɛ Jehova ye, an b’an seko fisaman min kɛra k’a “tanu,” a be sɔn o ma.—Eburuw 13:15.

O koo be se k’i jija cogo di n’i tɛ se ka bɛrɛ kɛ tugu i ko fɔlɔ la sabu i ka kɛnɛyako be nagasira ka taga, wala fanga bɛrɛ t’i la tugun?