I ko Jehova ye Israɛldenw labɛn cogo min na galen, a b’a ka jama labɛn bi fana walisa u k’ale sago kɛ. Duniɲa kuru bɛɛ kɔnɔ, Betɛliw, kafokuluw, kafow ani waajulikɛ jɛnkuluw bɛɛ be baara kɛ ɲɔgɔn fɛ walisa kibaro diiman ka se ka fɔ. An be mɔgɔ sifa bɛɛ waaju, hali minw be kaan wɛrɛ fɔ.—Yir. 14:6, 7.

Yala i miirila k’a filɛ n’i be se ka kaan wɛrɛ degi walisa ka mɔgɔ wɛrɛ dɛmɛ a ka tiɲɛn lɔn wa? Hali ni wagati t’i fɛ ka kaan wɛrɛ degi, i be se ka baara kɛ ni JW Language aplikasɔn ye walisa ka barokɛcogo nɔgɔman dɔ degi. Saan kɛmɛkulu fɔlɔ la, balimaw ninsɔndiyara tuma min na mɔgɔw kabakoyara ka Ala ka ‘koba kɛninw mɛn u ka kaan na.’ I be se ka o ninsɔndiya ɲɔgɔn sɔrɔ n’i be baara kɛ ni JW Language ye waajuli la.—Kɛw. 2:7-11.

VIDEWO NIN FILƐ: I KA KƐ JEHOVA TERI YE: WAAJULI KƐ KAAN WƐRƐ LA. O KƆ, ƝININGALI NUNU JAABI:

• Tuma juman le JW Language aplikasɔn be se k’i dɛmɛ?

• O aplikasɔn yɔrɔ dɔw kofɔ.

• Mɔgɔw be kaan jumanw lo fɔ i ka kafo ka kiinw kɔnɔ?

• I ka ɲi ka mun lo kɛ ni mɔgɔ dɔ y’a mako don Masaya Kibaro diiman na k’a sɔrɔ a be kaan wɛrɛ fɔ?—od-F 100-101 § 39-41.