Layidu min be ta furulon na, Jehova b’o jati sɔbɛko ye. A ko cɛɛ n’a muso ka kan ka nɔrɔ ɲɔgɔn na (Mat. 19:5, 6). Jehova sagokɛla caaman be hɛɛrɛ la u ka furu kɔnɔ. Nka furu si tɛ yen min dafanin lo. Bɛɛ be gwɛlɛya sɔrɔ a ka furu kɔnɔ. Mɔgɔ caaman b’a jati ko ni gwɛlɛya be furu la, furuɲɔgɔnw ka kan ka faran wala k’u ka furu sa. An man kan ka kɛ n’o miiriya ye. Kerecɛn minw furula, u be se k’u ka furu latanga cogo di?

An ka koo duuru lajɛ:

1. I yɛrɛ kɔrɔsi koo dɔw ma i n’a fɔ ka jarabikow kɛ ni muso wala cɛɛ wɛrɛ ye, ani kakalayakow be ɲɛnagwɛko minw na, i yɛrɛ tanga u ma. O koow be furu nagasi le dɔrɔn.—Mat. 5:28; 2 Piyɛri 2:14.

2. Jɛnɲɔgɔnya min be ele ni Jehova cɛ, i jija k’o barika bonya ani a ɲini k’i koo diya Jehova ye kosɔbɛ i ka furu la.—Zab. 97:10.

3. I jija ka kɛ ni jogo kura ye tuma bɛɛ, ani ka koo den-denninw kɛ i furuɲɔgɔn ye k’i ka ɲumanya yira a la. O bena koo dɔw nɔgɔya a ma.—Kɔlɔs. 3:8-10, 12-14.

4. A’ ye to ka kuma ɲɔgɔn fɛ ni bonya ye.—Kɔlɔs. 4:6.

5. A’ ye sɔn ka cɛnimusoko kɛ ɲɔgɔn fɛ, ani a’ y’o kɛ ni kanuya ye.—1 Kor. 7:3, 4; 10:24.

Ni kerecɛnw be bonya la furu kan, u be nɔɔrɔ la Jehova lo kan, ale min ye furu Jusigibaga ye.

VIDEWO NIN FILƐ: AN KA KAN KA “BOLI NI JIJALI YE”: BOLI MIN B’AN SEN KƆRƆ, AN K’O SARIYAW LABATO. O KƆ, ƝININGALI NUNU JAABI:

• Furu be se ka daminɛ ka ɲɛ. Nka gwɛlɛya jumanw lo be se ka kɛ kɔfɛ?

• Minw b’a miiri ko kanuya t’u ka furu kɔnɔ, Bibulu ka sariyakolow be se k’u dɛmɛ cogo di?

• Jehova ye sariya jumanw lo sigi furu koo la?

• Furuɲɔgɔnw ka kan ka mun lo kɛ walisa ka hɛɛrɛ sɔrɔ u ka furu kɔnɔ?