N’a sɔrɔ a man nɔgɔ an ma ka baloɲini baara sɔrɔ. O koo ɲɔgɔn na, a be se ka gwɛlɛya an ma ka Ala ka Masaya n’a ka tilenninya kɛ an ɲɛnako fɔlɔ ye. O be se k’an lasun ka sɔn baara dɔ la min ben’a to an tɛ baara kɛ Jehova ye bɛrɛbɛrɛ, wala min ben’a to an be Bibulu ka sariyakolow tiɲɛ. Nka an ka la a la ko Jehova “koo be mɔgɔ minw dusu la,” a bena a ka fanga kɛ k’olu dɛmɛ (2 Til. Kib. 16:9). Foyi tɛ se k’an Faa kanutigi bali k’an dɛmɛ ani k’an mako wasa (Ɔrɔm. 8:32). O kama, n’an be desizɔn dɔ tara baara koo la, an ka kan k’an jigi la Jehova kan ani ka Jehova ka baara kɛ an ɲɛnako fɔlɔ ye.—Zab. 16:8.

VIDEWO NIN FILƐ: BAARA KƐ JEHOVA YE N’I NIIN BƐƐ YE. O KƆ, ƝININGALI NUNU JAABI:

• Mun na Jason banna surafɛn dɔ la?

• Min fɔra Kɔlɔsikaw 3:23 la, o ɲɛsinna an ma cogo di?

• Jason ka ɲɛyirali ɲuman ye mun lo kɛ Thomas la?

• Min fɔra Matiyo 6:22 la, o ɲɛsinna an ma cogo di?