I SƆBƐ DON WAAJULI BAARA LA | DƆ FARA I KA NINSƆNDIYA KAN WAAJULI BAARA LA
Baara kɛ n’an ka sɛgɛsɛgɛrikɛ minanw ye
Jehova ye baarakɛminanw di an ma walisa an ka se mɔgɔw kalancogo la ka ɲɛ. U dɔw ye videwow, sɛbɛninw, zurunaliw, kitabuninw, gafew, ani an ka baarakɛminan jɔnjɔn, o min ye Bibulu ye (2 Tim. 3:16). A fana ye sɛgɛsɛgɛrikɛ minanw di an ma, o minw be se k’an dɛmɛ ka vɛrisew ɲɛfɔ mɔgɔw ye. U dɔw ye Watchtower Library, JW Library®, Watchtower ka BIBLOTƐKI ƐNTƐRƐNƐTI KAN™, ani Guide de recherche pour les Témoins de Jéhovah.
Sɛgɛsɛgɛrikɛ minan minw bɛɛ labilara i ye, n’i be baara kɛ n’u ye walisa ka Bibulu sɛgɛsɛgɛ koɲuman, i bena dɔ fara i ka ninsɔndiya kan. I janto k’i ka kalandenw degi baara kɛcogo la n’o minanw ye. O la, olu fana ninsɔn bena diya kosɔbɛ ka jaabiliw sɔrɔ u yɛrɛ ka ɲiningaliw la.
VIDEWO NIN FILƐ: NINSƆNDIYA SƆRƆ N’I BE MƆGƆW KƐRA KRISTA KA KALANDENW YE—SƆN JEHOVA KA DƐMƐ NA: SƐGƐSƐGƐRIKƐ MINANW. O KƆ, ƝININGALI NUNU JAABI:
-
Jade ye sɔsɔliko juman lo lawuli danni koo la?
-
Jade ye sɔsɔliko min lawuli, Rita ye kunnafoniw sɔrɔ min walisa ka se k’o jaabi?
-
Ka nafolofɛnw ɲini Ala ka Kuma kɔnɔ ani k’o kofɔ tɔɔw ye, o b’an ninsɔndiya
Kunnafoni minw ɲɛsinnin be Jade ka sɔsɔliko ma, Rita sera k’u sugandi cogo di?
-
Rita ye baara kɛ n’an ka sɛgɛsɛgɛrikɛ minanw ye minkɛ, o ye mun lo kɛ a la?
