An ninsɔn ka di kosɔbɛ yɛrɛ le ka kitabunin kura ni gafe kura dɔ sɔrɔ bibulukalanw kama! An bena jijali minw bɛɛ kɛ walisa ka mɔgɔ caaman kɛ Krista ka kalandenw ye, an be Jehova deli a k’o duga (Mat. 28:18-20; 1 Kor. 3:6-9). An be se ka baara kɛ n’o baarakɛminanw ye cogo di?

Gafe Ɲɛnamaya kɛ hɛɛrɛ la fɔɔ abada!, b’a to mɔgɔ be nafa sɔrɔ bibulukalan na kalankɛcogo kura dɔ sababu fɛ. An b’i jija i ka cikan nunu sira tagama n’i b’i yɛrɛ labɛnna bibulukalan kama, ani n’i be bibulukalan kɛra ni mɔgɔw ye.*

• Dakunw kalan, ani a’ ye baro kɛ ɲiningaliw kan

• A sɛbɛra vɛrise minw kɔrɔ ko “kalan”, aw k’u kalan ani kalanden dɛmɛ a k’a faamu a be se k’u sira tagama cogo min na

• Videwow yira, ani ɲiningali minw kɛra ka ɲɛsin videwow ma, a’ ye baro kɛ u kan

• N’i ye kalansen dɔ daminɛ ni dɔ ye, a ɲini k’o ban o loon bɛɛ

Waajuli la, kitabunin di mɔgɔw ma fɔlɔ k’a filɛ n’u b’u mako don (Koorilen nin lajɛ: “ Baara kɛcogo ni sɛbɛ nin ye ɲɔgɔnyeko fɔlɔ la: Ɲɛnamaya kɛ hɛɛrɛ la fɔɔ abada!”). N’o kitabunin banna ani kalanden b’a fɛ ka taga ɲɛ n’a ka bibulukalan ye, gafe d’a ma ani aw ka kalansen 4nan daminɛ. N’i ye bibulukalan daminɛ ni mɔgɔ dɔ ye ka ban gafe nunu dɔ kɔnɔ: Bibulu b’an kalan mun la? wala To Ala ka kanuya la, o bibulukalan yɛlɛma gafe kura kɔnɔ. O kɔ, a filɛ aw be se ka kalan daminɛ yɔrɔ min na o gafe kɔnɔ.

VIDEWO NIN FILƐ: I DANSƐ I KA BIBULUKALAN NA. O KƆ, ƝININGALI NUNU JAABI:

• Kalandenw bena mun lo kalan o gafe kura kɔnɔ?

• Mun na i ka ɲi k’o videwo yira kalanden kuraw la?

• I ka ɲi ka kalanden jija a ka to ka laɲinita jumanw lo latigɛ ani k’u dafa?—Yɔrɔ nin lajɛ: “ Tilanyɔrɔ kelen kelen bɛɛ: Barokun ni laɲinitaw.”