Mɔgɔ dusukun lo b’a lasun ka mɛnni kɛ Ala fɛ (Talenw 3:1). O kama, n’an be mɔgɔw kalanna, an ka ɲi ka banba k’u dusukun sɔrɔ. An be se k’o kɛ cogo di?

Bibulu ka kalanw yira kalanden na. Nka kana dan o dɔrɔn ma. A dɛmɛ fana a k’a faamu o kalanw ɲɛsinna a ma cogo min na ani o ka ɲi ka nɔɔ min to ale ni Jehova ka jɛnɲɔgɔnya kan. A dɛmɛ a k’a faamu Bibulu ka sariyakolow be Ala ka kanuya, a ka ɲumanya n’a ka tilenninya yira cogo min na. A be min kalanna, ɲiningaliw kɛ a ye nɛmɛnɛmɛ walisa k’a dɛmɛ a k’a yɛrɛ sɛgɛsɛgɛ k’a filɛ o be min kɛ a la. A dɛmɛ a ka miiri k’a filɛ a ka ɲɛnamaya bena fisaya cogo min na n’a ye delinanko juguw dabila ani ka kɛ ni miiriya ɲuman ye. N’i y’a ye ko i ka Bibulu kalanden be Jehova kanu kosɔbɛ, o bena dɔ fara i ka ninsɔndiya kan.

VIDEWO NIN FILƐ: NINSƆNDIYA SƆRƆ N’I BE MƆGƆW KƐRA KRISTA KA KALANDENW YE—I KA WAAJULI KƐCOGO FISAYA: A ƝINI KA KALANDEN DUSUKUN SƆRƆ. O KƆ, ƝININGALI NUNU JAABI:

• Mun na Rita ye Jade ɲininga ko: “An tun ye baro kɛ min na ntɛnɛlon, i miiri la o la wa?”

• Rita ye Jade dɛmɛ cogo di a k’a faamu ko Bibulu ka sariyakolow b’a yira ko Jehova b’a kanu?

• Rita ye Jade dɛmɛ cogo di a k’a faamu a be se k’a yira Ala la cogo min na ko a b’a kanu?