Komi duniɲa nin laban be surunyana, an ka la a la ko murutilikow, benkanni walew ani marifakɛlɛw bena to ka juguya ka taga le (Yir. 6:4). Cogo juman na an be se k’an yɛrɛ labɛn gwɛlɛya nataw kama?

• I yɛrɛ labɛn Alako ta fan fɛ: A ɲini k’a lɔn Bibulu ka maanaw ani sariyakolo minw be se k’a to i be la Jehova n’a ka ɔriganisasiyɔn na kosɔbɛ ani k’i dɛmɛ i kana i seen don politikikow ni kɛlɛkow la (Talenw 12:5; jr-F 125-126 § 23-24). Sisan yɛrɛ lo i ka ɲi ka teriya sɔbɛ kɛ ni kafomɔgɔw ye.—1 Piyɛri 4:7, 8.

• I mako bena kɛ min na tigitigi, i janto k’o labɛn: Labɛn dɔw kɛ walisa ka kɛ n’i makoyafɛnw ye n’i ka kan ka to i ka soo kɔnfineman kosɔn. Fɛɛrɛ dɔ labɛn walisa ka se ka boli ka bɔ i ka soo n’a sɔrɔla ko i ka ɲi k’o kɛ. I tun ye saki min labɛn walisa ka boli n’a ye, a kɔnɔnafɛnw lajɛ tugun. Wari, gaan ani cache-nez n’a ɲɔgɔnnafɛnw fara u kan. A ɲini k’a lɔn i be se ka kaan bɔ diinan mɔgɔkɔrɔw ma cogo min na, ani a to u k’a lɔn u be se ka kaan bɔ i ma cogo min na fana.—Ezayi 32:2; g17.5-F 3-7.

Murutiliko tuma na, to ni delinanko ɲumanw ye Alako ta fan fɛ (Filip. 1:10). N’i tagara dogo yɔrɔ dɔ la, kana bɔ yen ka taga dogo yɔrɔ wɛrɛ la ni kuun bɛrɛ t’o la (Mat. 10:16). Dumunifɛnw ni fɛɛn wɛrɛw tilan ni mɔgɔ wɛrɛw ye.—Ɔrɔm. 12:13.

VIDEWO NIN FILƐ: I LABƐNNIN LO BALAWOKOW KAMA WA? O KƆ, ƝININGALI NUNU JAABI:

• Jehova be se k’an dɛmɛ cogo di balawo tuma na?

• An be se ka koo tigitigi jumanw lo kɛ walisa k’an yɛrɛ labɛn?

• Balawo cunna minw kan, an be se ka mun lo kɛ k’u dɛmɛ?