Yezu basigira gwɛrɛgwɛrɛko dɔw kan minw kɛra a ka wagati la ka mɔgɔw kalan (Luka 13:1-5). Ele fana be se ka basigi koo dɔw kan minw be kɛra i ka mara la walisa ka mɔgɔw lasun u ka kibaro diiman lamɛn. I be se k’a daminɛ ka kuma gwɛlɛya dɔ koo la, i n’a fɔ fɛɛnw sɔngɔ gwɛlɛyako, balawoko dɔ, murutilikow, dɔrɔgita an’a ɲɔgɔnnaw. O kɔ, ɲiningali dɔ kɛ min bena i lamɛnbaga lasun a ka miiri. I be se k’a ɲininga ko: “Ele ka miiriya la . . . bena ban loon dɔ wa?” Wala “Ele ka miiriya la . . . bena se ka ɲɛnabɔ cogo di?” O kɔ, vɛrise dɔ kalan min be kuma o koo la. N’a tigi y’a mako don, a ɲɛsin an ka kalankɛminan dɔ ma (videwo wala gafe dɔ). An k’an jija kosɔbɛ ka kiinmɔgɔw dusukun sɔrɔ, ani an ka koo “bɛɛ kɛ kibaru diman kosɔn.”—1 kor. 9:22, 23.

Barokun jumanw lo be se ka diya mɔgɔw ye i ka kafo ka kiinw kɔnɔ?