Komi an ye mɔgɔ dafabaliw ye, an ka ɲi k’an jija tuma bɛɛ ka see sɔrɔ an ka nege juguw kan. N’an y’a to u ye see sɔrɔ an kan, Jehova be se ka ban an na. Misali la, dɔw b’a to dumuni, faniw ani u ka boon koo be diya u ye ka tɛmɛ Ala kan. Dɔw b’u ka cɛnimusoko nege wasa hali u t’u janto Ala ka sariyaw la (Ɔrɔm. 1:26, 27). Dɔw fana b’a to mɔgɔ wɛrɛw k’u lasun ka koo jugu kɛ sabu u b’a fɛ k’u koo diya o mɔgɔw ye.—Ɛkiz. 23:2.

An be se ka see sɔrɔ an ka nege juguw kan cogo di? An ka ɲi k’an seko bɛɛ kɛ ka Alakow lo kɛ an ɲɛnako fɔlɔ ye (Mat. 4:4). Ani fana, an ka ɲi ka Jehova deli a k’an dɛmɛ ka see sɔrɔ an ka nege juguw kan. Mun na do? Sabu ale lo b’a lɔn min ka fisa an ma ani a b’a lɔn a bena an negelakow wasa cogo min na.—Zab. 145:16.

VIDEWO NIN FILƐ: KAN’A TO I KA ƝƐNAMAYA BE SISI. O KƆ, ƝININGALI NUNU JAABI:

• Mun na mɔgɔ dɔw be sigarɛti min?

• Sigarɛtimin be se ka mun lo kɛ i la?

• Mun na sigarɛtimin man ɲi, a sifa mana kɛ min o min ye?—2 Kor. 7:1

• I be se ka ban sigarɛtimin na cogo di, wala ka sigarɛtimin dabila?