Tɔɔrɔw ka teli k’an fari faga sanko n’u be mɛɛnna. Dawuda tun b’a lɔn ko masacɛ Sayuli tun be tɔɔrɔ min lara ale kan, o tun bena ban loon dɔ ani ko a tun bena kɛ masacɛ ye i ko Jehova tun y’a fɔ cogo min na (1 Sam. 16:13). Dawuda ka limaniya y’a dɛmɛ ka muɲuli kɛ ani ka Jehova makɔnɔ.

Ni tɔɔrɔ b’an kan, an be se ka koow kɛ ni ceguya ani hakilitigiya ye. An be se fana ka basigi an ka lɔnniya kan ka yɛlɛmani don an ka koow cogoya la (1 Sam. 21:13-15; Talenw 1:4). Nka hali n’an y’an seko bɛɛ kɛ ka kɛɲɛ ni Bibulu ka sariyakolow ye, gwɛlɛya dɔw bele be se ka kɛ an kan. O koo ɲɔgɔn na, an ka ɲi ka muɲuli kɛ ani ka Jehova makɔnɔ. Yanni dɔɔni, a bena daan sigi an ka tɔɔrɔw bɛɛ la ani k’an “ɲaji bɛɛ cɛ.” (Yir. 21:4). A mana kɛ ko an ka tɔɔrɔw banna sabu Jehova ye daan sigi u la, wala k’u banna kuun wɛrɛ lo kosɔn, fɛɛn kelen kɔni gwɛnin lo: an ka tɔɔrɔw bɛɛ bena ban loon dɔ. O be se k’an dusu saalo.

VIDEWO NIN FILƐ: JAMA MIN KAAN BƐNNIN LO DIƝƐ FARANNIN KƆNƆ. O KƆ, ƝININGALI NUNU JAABI:

• An kerecɛnɲɔgɔn minw be Etazini worodugu fan fɛ, gwɛlɛya juman lo tun b’u kan?

• U muɲuna cogo di ani u y’u ka kanuya yira ɲɔgɔn na cogo juman na?

• “Fɛɛn minw kɔrɔtanin lo kosɔbɛ,” u tora ka sinsin o kan cogo di?—Filip. 1:10, Traduction du monde nouveau.