Mɔgɔ minw be ni tagamacogo ɲuman ye, olu dɔrɔn lo be se ka jɛnɲɔgɔnya ɲuman kɛ ni Jehova ye (1 Piyɛri 1:14-16). Ni Bibulu kalandenw y’u ka delinanko juguw dabila, o be se k’u nafa kɛnɛyako ni wariko ta fan fɛ, ani u be hɛɛrɛ sɔrɔ u ka denbaya kɔnɔ.

Jehova ka sariyakolow ɲɛfɔ u ye ka gwɛ. A yira u la fɛɛn min kama a y’o sariyakolow sigi ani u be nafa min sɔrɔ n’u b’o sariyakolow sira tagama. I jija k’i ka kalandenw dɛmɛ u k’u ka miiricogo yɛlɛma. O la, Jehova be min ɲini u fɛ, u bena se k’o kɛ (Efɛz. 4:22-24). U hakili sigi ko Jehova ka dɛmɛ barika la, u bena se ka see sɔrɔ u ka delinanko juguw kan hali n’u delila o la kabi wagatijan (Filip. 4:13). U kalan u ka Jehova deli ni kojugukɛ nege gwanna u la. U dɛmɛ u k’a lɔn koo minw be se k’u lasun ka koo jugu kɛ, ani u dɛmɛ fana u kana u seen don o koow la. U jija u ka delinanko juguw dabila ka koo ɲumanw kɛ. N’i y’a ye ko Jehova ka dɛmɛ barika la Bibulu kalandenw be yɛlɛmaniw kɛra, o b’i ninsɔndiya kosɔbɛ.

VIDEWO NIN FILƐ: I KA BIBULU KALANDENW DƐMƐ U KA KOO NƆGƆNINW DABILA. O KƆ, ƝININGALI NUNU JAABI:

• Cogo juman na diinan mɔgɔkɔrɔw ni Rita y’a yira Jade la ko u lanin b’a la?

• Rita ye Jade dɛmɛ cogo wɛrɛ jumanw lo la?

• Jade ye Jehova ka dɛmɛ ɲini cogo di?