Videwow ani ɲiningali minw be sɔrɔ o gafe kɔnɔ, yala u ka di i ye wa? Yɔrɔ nunu fana ka di i ye wa: “Ni mɔgɔ dɔ y’a fɔ i ye ko,” “I ka laɲinita,” ani “Nunu lajɛ fana”? Ele ka miiri la, o gafe yɔrɔ wɛrɛ jumanw lo be se k’i dɛmɛ n’i be bibulukalan kɛra ni mɔgɔw ye?—Mat. 28:19, 20.

Jaaw, videwow ani barokunw: N’a sɔrɔ a ka di i ye ka bibulukalan kɛ ni mɔgɔw ye o gafe papiyelaman kɔnɔ. N’o lo, i k’a lɔn ko i be se ka jaaw, videwow ani barokunw sɔrɔ yɔrɔ kelen na cogo nɔgɔman na. Cogo di do? O gafe yɛlɛ i ka telefɔni wala tablɛti kan ani tilanyɔrɔ dɔ sugandi. Kalansenw ka barokunw jukɔrɔ, a sɛbɛra yɔrɔ dɔ la ko “Jaaw, videwow ani barokunw.” O yɔrɔ digi. O kɔ, jaaw, videwow ani barokun minw ɲɛsinna o tilanyɔrɔ ma, i bena se k’u sɔrɔ. (Jaa fɔlɔ lajɛ.)

“A papiyelaman cogo”: N’i be bibulukalan kɛra ni dɔ ye o gafe kɔnɔ i ka tablɛti wala telefɔni na, n’a sɔrɔ i ben’a ye ko nafa b’a la k’o gafe papiyelaman cogo lajɛ tuma dɔw la bibulukalan tuma na. K’i to kalansen dɔ la, tomi saba be ekran sanfɛyɔrɔ la. O yɔrɔ digi, ani yɔrɔ nin sugandi: “Mode image.” Papiyelaman cogo be se k’i dɛmɛ k’a to i hakili la aw ka baro ɲɛsinnin be kalansen kuturu bɛɛ ka barokun ma cogo min na. Walisa ka segi i tun be yɔrɔ min na ka kɔrɔ, o tomi saba nunu digi tugun ani yɔrɔ nin sugandi: “Mode texte.”

“N’ be saratiw dafa wa?”: O koorilenw be sɔrɔ gafe laban yɔrɔ faan fɛ. U b’a yira ni kalanden be saratiw dafa ka se ka waajuli kɛ ni kafo ye ani ka batize. (Jaa 2nan lajɛ.)

Kunnafoni wɛrɛw: O yɔrɔ la, ɲɛfɔli kɛra koo kɔrɔtanin dɔw kan. N’i be kalan kɛra telefɔni wala tablɛti kan le, lien dɔ be yen kunnafoni wɛrɛw laban yɔrɔ la. O lien digi ani i bena segi i tun be yɔrɔ min na ka kɔrɔ. (Jaa 2nan lajɛ.)