KERECƐNW KA ƝƐNAMAYA
Baara kɛcogo ni videwow ye, minw be bibulukalan kofɔ
Videwo naani lo be yen minw be bibulukalan kofɔ. U kelen kelen bɛɛ labɛnna kuun juman lo kama?
-
Mun na i ka ɲi ka bibulukalan kɛ?—A jamanjan: A labɛnna walisa ka mɔgɔw dɛmɛ u k’u mako don Bibulu la, u ka lannakow mana kɛ min o min ye. A be mɔgɔw jija u k’u ka ɲiningalibaw jaabili ɲini Bibulu kɔnɔ. A b’a yira fana ka surunya tiɲɛnkalan minw be sɔrɔ Bibulu kɔnɔ. A b’a ɲɛfɔ u ka ɲi ka min kɛ n’u be bibulukalan fɛ.
-
Mun na i ka ɲi ka bibulukalan kɛ? (a lasurayanin): A kɔnɔko ni jamanjan ta bɛɛ ye kelen ye, nka ale ka surun. Kiin minw kɔnɔ wagati caaman tɛ mɔgɔw fɛ, n’a sɔrɔ a ka fisa an ka baara kɛ n’o ye.
-
An be bibulukalan kɛ ni mɔgɔw ye cogo di? O videwo labɛnna walisa ka bibulukalan nege don mɔgɔw la. Mɔgɔw ka teli ka ɲiningali minw kɛ, a b’u dɔw jaabi ani a b’a ɲɛfɔ u ka ɲi ka min kɛ n’u be bibulukalan fɛ.
-
I dansɛ i ka bibulukalan na: O videwo labɛnna walisa an k’o yira Bibulu kalandenw na. O videwo kofɔra gafe nin ɲɛɛ 2nan na: Ɲɛnamaya kɛ hɛɛrɛ la fɔɔ abada! Nka, an be se k’o yira kalanden na kitabunin Ɲɛnamaya kɛ hɛɛrɛ la fɔɔ abada! lajɛtɔ. O videwo be gafe kɔnɔnakow lakali dɔɔni ani a b’a ɲɛfɔ bibulukalan be kɛ cogo min na.
O videwow kelen kelen bɛɛ labɛnna kuun tigitigi dɔ lo kama. Nka, an be se k’u kelen kelen bɛɛ yira wala k’a ci mɔgɔ dɔ ma n’a bɛnnin lo. A ɲinina weleweledalaw fɛ u k’o videwow lɔn ka ɲɛ ani u ka baara ɲuman kɛ n’u ye waajuli la.
