An b’a fɛ k’an koo diya Jehova ye an ka kokɛtaw bɛɛ la (Talenw 27:11). Ka se k’o kɛ, an ka desizɔnw ka ɲi k’a yira ko an be koow jati i ko Jehova hali ni sariya tigitigi dɔ tɛ yen an be se ka basigi min kan. Mun lo be se k’an dɛmɛ o la?

To ka Bibulu kalan tuma o tuma. N’an be Bibulu kalan tuma bɛɛ, a be i n’a fɔ an be wagati kɛra ni Jehova lo ye. An ka miiri k’a filɛ Jehova y’a sagokɛlaw minɛ cogo min na. Ani, minw ye koo ɲuman wala koo jugu kɛ a ɲɛɛ kɔrɔ, an ka miiri u koo la. O bena an dɛmɛ ka koow jati i ko Jehova. An ye min kalan Ala ka Kuma kɔnɔ, hakili senu be se k’an hakili jigi o la n’an ka ɲi ka desizɔn dɔ ta.—Zan 14:26.

Sɛgɛsɛgɛri kɛ. N’i ka ɲi ka desizɔn dɔ ta, i yɛrɛ ɲininga ko: “Vɛrisew wala Bibulu ka maana jumanw lo be se k’an dɛmɛ k’a faamu Jehova be min miiri o koo la?” Jehova deli a k’i dɛmɛ. Sɛgɛsɛgɛrikɛ minan minw be sɔrɔ i ka kaan na, n’i be baara kɛ n’u ye, o bena i dɛmɛ ka sariyakolow sɔrɔ minw ɲɛsinna i ka koo ma ani k’u sira tagama.—Zab. 25:4.

VIDEWO NIN FILƐ: AN KA KAN KA “BOLI NI JIJALI YE”—DUMUNI NAFAMANW DUMU. O KƆ, ƝININGALI NUNU JAABI:

• Gwɛlɛya jumanw lo tun be balimamuso sunguru nin kan?

  Your answer

• N’o gwɛlɛyaw ɲɔgɔn b’i kan, i be se ka baara kɛ n’an ka sɛgɛsɛgɛrikɛ minanw ye cogo di walisa k’o ɲɛnabɔ?

  Your answer

• N’an be wagati ta ka sɛgɛsɛgɛri kɛ ani ka kelenna kalan kɛ, o be se k’an dɛmɛ cogo di ka desizɔn ɲumanw ta?—Eburuw 5:13, 14

  Your answer