Labanlon nunu na, an be gwɛlɛya caaman sɔrɔ. Tuma dɔw la, an ka gwɛlɛyaw be se ka caya fɔɔ an b’a miiri ko an tɛna se k’u muɲu. Nka, n’an be to k’an magwɛrɛ Jehova la, a bena an dɛmɛ k’u muɲu, hali gwɛlɛya minw b’an hakili ɲagami (Ezayi 43:2, 4). An be se k’an magwɛrɛ Jehova la cogo di ni gwɛlɛyaw b’an ka?

Delili. N’an b’an kɔnɔkow bɛɛ fɔ Jehova ye, a b’an hakili sigi ani a be fanga di an ma ka se ka gwɛlɛyaw muɲu.—Filip. 4:6, 7; 1 Tes. 5:17.

Lajɛnw. Gwɛlɛyaw tuma na le an mako gwɛlɛn b’a la k’an yɛrɛ balo Alako ta fan fɛ ani ka kɛ lajɛnw na n’an balimaw ye (Eburuw 10:24, 25). N’an b’an yɛrɛ labɛn lajɛnw kama ani ka lakalitaw kɛ, Jehova be dɛmɛ min lase an ma hakili senu barika la, an be nafa sɔrɔ o la bɛrɛbɛrɛ.—Yir. 2:29.

Waajuli baara. An bena nɔgɔya an ma ka sinsin koo ɲumanw lo kan n’an b’an seko bɛɛ kɛ walisa an bolo degunnin ka to waajuli baara la. Teriya min be an n’an balimaw cɛ ani an ni Jehova cɛ, o barika bena bonya fana.—1 Kor. 3:5-10.

VIDEWO NIN FILƐ: JEHOVA BENA I LADON. O KƆ, ƝININGALI NUNU JAABI:

• Mun lo ye Malu dɛmɛ a magwɛrɛnin tora Jehova la a ka gwɛlɛyaw tuma na?

  Your answer

• I ko Malu, Zaburuw 34:19 ka kumaw be se k’i dusu saalo cogo di gwɛlɛyaw tuma na?

  Your answer

• Malu ka koo b’a yira cogo di ko Jehova be “sebagaya kabakoman” di an ma ni gwɛlɛyaw b’an kan?—2 Kor. 4:7

  Your answer