• Zɔbu 36:26—N’a ka gwɛlɛ an ma k’a faamu ko daminɛ ni laban tɛ Jehova la, yala an ka ɲi ka jɔɔrɔ wa? A ɲɛfɔ. (w22.12 2 § 4).

  I ka jaabili

• Lɔgɔkun nin ka Bibulu kalangwɛ kɛtɔ, i ye nafolofɛn jumanw lo sɔrɔ?

  I ka jaabili

Jehova ka ɔriganisasiyɔn ye fɛɛn caaman bɔ minw b’an dɛmɛ ka Jehova ka sariyaw labato ka ɲɛsin joli koo ma (Kɛw. 15:28, 29). Yala i be baara ɲuman kɛra n’o fɛɛnw ye wa?

Jolisɛbɛ (DPA) ani Document d’identité médical: O sɛbɛw la, banabagatɔ b’a ɲɛfɔ ale b’a fɛ u k’ale furakɛ cogo min na joliko ta fan fɛ. Weleweledala minw batizera, olu be se ka jolisɛbɛ dɔ sɔrɔ kafo ka gafekow ɲɛnabɔbaga fɛ. U be se fana ka Document d’identité médical dɔ sɔrɔ u deen fitininw ye. O sɛbɛw ka ɲi ka sɔrɔ an kun tuma bɛɛ. N’i ka ɲi k’o sɛbɛ dafa wala k’a kunnafoniw lakuraya, kana o koo bila ka suma.

Kunnafoniw ka ɲɛsin muso kɔnɔman ma (S-401) ani Kunnafoniw banabagatɔw ye, minw ka ɲi ka operasɔn kɛ wala ka simiyoterapi kɛ (S-407): O sɛbɛw b’an dɛmɛ an k’an yɛrɛ labɛn koɲuman furakɛcogo dɔ kama joliko be min na. N’i kɔnɔman lo, n’i ka ɲi ka operasɔn wala furakɛli dɔ kɛ kansɛri bana kosɔn, kaan bɔ diinan mɔgɔkɔrɔw ma walisa k’o sɛbɛ dɔ sɔrɔ.

CLH balimaw ka dɛmɛ: O balima setigiw ye fɔrɔmasɔn sɔrɔ walisa ka kunnafoniw di dɔgɔtɔrɔw ni weleweledalaw ma furakɛcogow koo la joliko be minw na. O balimaw be se ka baro kɛ ni dɔgɔtɔrɔw ye furakɛcogo dɔw koo la o minw na u tɛ joli don banabagatɔ fari la. U be se k’i dɛmɛ ka dɔgɔtɔrɔ dɔw sɔrɔ minw bena sɔn k’i ka desizɔn labato. CLH balimaw labilanin lo tuma bɛɛ. N’u ka ɲi k’i la dɔgɔtɔrɔso, k’i opere wala ka furakɛcogo dɔ kɛ i la kansɛri bana kosɔn, hali ni joliko t’o la, kaan bɔ CLH balimaw ma joona joona. Muso kɔnɔmanw fana ka ɲi k’o kɛ. N’i mako be dɛmɛ na, a ɲini diinan mɔgɔkɔrɔ dɔ fɛ a ka CLH balima dɔ ka nimɔrɔ d’i ma.

VIDEWO nin yira: CLH balimaw b’an dɛmɛ cogo di? O kɔ, jama ɲininga ko:

CLH balimaw be se k’i dɛmɛ cogo di n’i ka ɲi ka furakɛli wala operasɔn kɛ?