Ɔkutɔburu tile 7-13
ZABURUW 92-95
Dɔnkili 84 ani delili | Dadon kumaw (mn. 1)
1. Ka baara kɛ Jehova ye, o ye ɲɛnamaya kɛcogo ye min ɲɔgɔn tɛ yen!
(mn. 10):
Jehova ka kan n’an ka batoli ye (Zab. 92:2, 5; w18.04 26 § 5).
A be a sagokɛlaw dɛmɛ ka desizɔn ɲumanw ta ani ka ninsɔndiya sɔrɔ (Zab. 92:6; w18.11 20 § 8).
Minw be baara kɛ a ye, hali n’u kɔrɔla, u koo ka gwɛlɛ a ma (Zab. 92:13-16; w20.01 19 § 18).
I YƐRƐ ƝININGA KO: “Mun lo be n’ bali ka n’ yɛrɛkun di Jehova ma ani ka batize?”
2. Nafolofɛnw ɲini Ala ka Kuma kɔnɔ
(mn. 10):
-
Zab. 92:6—O kumaw be Jehova ka hakilitigiya koo ɲɛfɔ ka ɲɛ cogo di? (cl-F 176 § 18).
-
Lɔgɔkun nin ka Bibulu kalangwɛ kɛtɔ, i ye nafolofɛn jumanw lo sɔrɔ?
3. Bibulu kalangwɛ
(mn. 4): Zab. 94:1-23 (th kalansen 5)
4. Baro daminɛtɔ ni mɔgɔw ye
(mn. 4): WAAJULI, SABABU DƆ SEN FƐ: Ka aw to baro la, sababu dɔ lawuli walisa k’a fɔ i lamɛnbaga ye ko i be mɔgɔw kalan Bibulu koo la. (lmd kalansen 5 ka yɔrɔ 3nan)
5. Viziti kura
(mn. 3): WAAJULI, SABABU DƆ SEN FƐ: Segi ka bibulukalan kofɔ mɔgɔ dɔ ye min tun banna a la fɔlɔ la. (lmd kalansen 8 ka yɔrɔ 4nan)
6. Bibulukalan
(mn. 5): Baro kɛ ni Bibulu kalanden dɔ ye min tɛ ɲɛtaga kɛra. (lmd kalansen 12 ka yɔrɔ 5nan)
Dɔnkili 5
7. Ni jɔrɔnankow be kanbelew ni sunguruw kan
(mn. 15): Baro.
Minw be baara kɛra Jehova ye, koo caaman be se k’a to u be hami. Misali la, koo caaman ye Dawuda sɔrɔ minw ye hami bila a la, ani o ɲɔgɔn be balima caaman fana sɔrɔ bi bi nin na (Zab. 13:3; 139:23). A fɔ man di nka, hali kanbelew ni sunguruw yɛrɛ be se ka hami koo dɔw kosɔn. An be deli ka koo minw kɛ i n’ a fɔ ka taga lakɔli wala lajɛnw na, tuma dɔw la, haminankow be se k’a to a be gwɛlɛya an man ka o koow kɛ. O yɛrɛ be se k’a to siranya b’an minɛ wala yɛrɛfaga miiriya be kɛ an kɔnɔ.
Kanbelew ni sunguruw, ni haminanko dɔ be aw hakili ɲagamina, aw k’o fɔ aw bangebaga wala mɔgɔkɔrɔba kolɔnbaga dɔ ye. A’ ye Jehova deli fana a ka aw dɛmɛ (Filip. 4:6). A bena aw dɛmɛ (Zab. 94:17-19; Ezayi 41:10). An ka Steing ka koo lajɛ.
VIDEWO nin yira: Jehova y’a janto n’ na. O kɔ, jama ɲininga ko:
• Vɛrise juman lo ye Steing dɛmɛ, ani mun na do?
• Jehova y’a janto a la cogo di?
Bangebagaw, n’aw b’aw deenw lamɛn koɲuman, k’a yira u la ko aw b’u kanu ani k’u dɛmɛ u ka la a la ko Jehova b’u kanu, o bena u dɛmɛ ka see sɔrɔ haminankow kan (Titi 2:4; Zaki 1:19). I mako be dususalo ani fanga min na ka se k’i deenw dɛmɛ, i jigi la Jehova kan ka se k’o sɔrɔ.
N’a sɔrɔ an tɛ se k’a lɔn ni haminanko jugu dɔ be kafomɔgɔ dɔw kan wala an t’a lɔn koow be di u fɛ. Nka, an be se k’an ka dɛmɛ lase an kɛtɔ ka sɔn bɛɛ la kafo kɔnɔ ani k’a kɛ u k’a ye ko an b’u kanu.—Talenw 12:25; Eburuw 10:24.
8. Kafo ka Bibulu kalan
(mn. 30): kr sap. 17 § 10-18
