Jehova “ka mɔgɔw koo ka d’a ye.” (Zab. 149:4). Tiɲɛn lo ko an dafanin tɛ. Nka an be ni jogo ɲuman minw ye ani an bena se ka min kɛ Jehova ye, a ɲɛɛ b’o la. Tuma dɔw la, a be se ka gwɛlɛya an ma ka kɛ ni miiriya ɲuman ye an yɛrɛ koo la. Tɔɔw b’an minɛ cogo min na, o be se k’a to an b’a miiri ko nafa foyi t’an na. Wala n’an miirila an ka fili tɛmɛninw na, an be se k’a miiri ko Jehova tɛ se ka an kanu tiɲɛn tiɲɛn na. N’an be ni o miiriyaw ɲɔgɔn ye, mun lo be se k’an dɛmɛ?

A to i hakili la ko adamadenw tɛ se ka min ye, Jehova be se k’o ye (1 Sam. 16:7). O kɔrɔ ko Jehova b’an lɔn ka tɛmɛ an yɛrɛ kan. Ninsɔndiya lo an fɛ k’a lɔn ko Bibulu b’a yira an na Jehova be ni miiriya min ye an koo la. Bibulu ka vɛrise ni maana minw b’a yira ko Jehova b’a batobagaw kanu kosɔbɛ, n’an b’u kalan, o be se k’an dɛmɛ k’a faamu Jehova be ni miiriya min ye an koo la.

VIDEWO NIN FILƐ: I HAKILI SIGI JEHOVA ƝƐƐ KƆRƆ. O KƆ, ƝININGALI NUNU JAABI:

• Jehova b’an jati cogo min na, bolibaga nin n’a faa ka ɲɛyirali be mun lo yira an na o koo la?

  Your answer

• Ni mɔgɔ dɔ ye jurumuba kɛ ani a ye dɔ kɛ dɔ ye walisa ka jɛnɲɔgɔnya ɲuman sigi kokura ni Jehova ye, a tigi be se k’a hakili sigi cogo di Jehova ɲɛɛ kɔrɔ?—1 Zan 3:19, 20.

  Your answer

• Balimacɛ kɛtɔ ka Dawuda ni Zozafati ka maana kalan ani ka miiri o la, o y’a nafa cogo di?

  Your answer