KERECƐNW KA ƝƐNAMAYA

I labɛnnin lo wariko gwɛlɛya kama wa?

A LAMƐN KAAN NIN NA

A tɛ bari an na ni duniɲa nin ka koow cogoya kosɔn, wariko gwɛlɛya be yɔrɔ bɛɛ. Mun na do? Sabu an be laban loonw laban wagati lo la ani Bibulu b’an lasɔmi ko an kana an jigi la nafolo kan, o min ye banta ye (1 Tim. 6:17; 2 Tim. 3:1). Masacɛ Zozafati ka koo b’a yira an na an be se k’an yɛrɛ labɛn cogo min na wariko gwɛlɛya kama. Cogo di do?

Tuma min na Zuda mara jugu dɔw wulila u kama, Zozafati y’a jigi la Jehova kan (2 Til. Kib. 20:9-12). Ka kɔn o ɲɛ yɛrɛ, a tun ye koo tigitigi dɔw kɛ fana walisa ka jama labɛn. A ye dugu barikamanw lɔ ani ka kɛlɛdenw ka jɛnkuluw sigi (2 Til. Kib. 17:1, 2, 12, 13). I ko Zozafati, an ka ɲi k’an jigi la Jehova kan ani ka koo tigitigi dɔw kɛ walisa ka an yɛrɛ labɛn gwɛlɛya nataw kama.

AN BE SE KA MUN LO KƐ WALISA KA AN YƐRƐ LABƐN WARIKO GWƐLƐYA KAMA?

I yɛrɛ labɛn Alako ta fan fɛ: Min b’i fɛ, a to o k’i wasa ani la a la ko Jehova be se k’i ka loon o loon makoyafɛnw d’i ma (Mat. 6:26; 1 Tim. 6:8). I cɛsirinin ka to walisa ka Bibulu ka sariyakolow labato. Kana sɔn ka Bibulu ka sariyakolo dɔ tiɲɛ i makoyafɛnw kama (Ɔrɔm. 2:21). A filɛ i be se k’i ka Alakow wasa cogo min na hali ni kuran ni ɛntɛrɛnɛti tigɛra. An ka gafe papiyelaman dɔw bila i bolo kɔrɔ ani n’i be se, kɔn k’u dɔw telesarze ka bila.

I yɛrɛ labɛn bololafɛnw koo ta fan fɛ: Dɔ bɔ i ka juruw n’i ka musakaw la sanni wariko gwɛlɛya ka cun i kan (Talenw 22:7). N’i be se, dumunifɛnw ani fɛɛn jɔnjɔn damanin mara. Dɔw b’a latigɛ ka nankɔ dennin dɔ kɛ ani k’a ladon walisa ka dɔ bɔ u ka musakaw la.

VIDEWO NIN FILƐ: I LABƐNNIN LO BALAWOKOW KAMA WA? O KƆ, ƝININGALI NUNU JAABI:

An be se ka mun lo kɛ walisa an labɛnnin ka kɛ balawokow kama?

Your answer

An be se ka an yɛrɛ labɛn cogo di ka se ka tɔɔw dɛmɛ?

Your answer

ƝƐNAMAYA ANI WAAJULI BAARA LAJƐNSƐBƐ