Tuma dɔw la, an ninsɔn man di. N’i ninsɔn man di, o kɔrɔ tɛ ko i barika ka dɔgɔ Alako ta fan fɛ. Jehova y’a yira ko ale yɛrɛ dusu be kasi tuma dɔw la (Zɛnɛzi 6:5, 6). Nka n’an dusu be kasi tuma caaman na wala tuma bɛɛ do?

Jehova deli a k’i dɛmɛ. Jehova b’a janto kosɔbɛ an dusukunnako n’an ka kɛnɛyako la. N’an dusu ka di wala n’an dusu kasinin lo, Jehova b’o lɔn. A b’a lɔn fɛɛn min kama an dusu kasinin lo ani a b’an faamu (Zab. 7:10b). Min yɛrɛ kɔrɔtanin lo, o ye ko Jehova b’a janto an na. A be se k’an dɛmɛ ka see sɔrɔ an ka dusukasi wala hakiliɲagami bana yɛrɛ kan.—Zab. 34:19.

I janto i ka kɛnɛyako la. Miiriya juguw be se k’an ka ninsɔndiya nagasi ani ka nɔɔ to an ka batolikow kan. O kama, a ka ɲi an k’an dusukun latanga. An kaan be dusukun min ma, o ye an ye mɔgɔ min ye tigitigi.—Talenw 4:23.

VIDEWO NIN FILƐ: BALIMAW BE HƐƐRƐ DIYA BƆRA COGO MIN NA—HAKILIƝAGAMI BANA BƐƐ N’A TA. O KƆ, ƝININGALI NUNU JAABI:

• Nikki ye koo tigitigi jumanw lo kɛ minw y’a dɛmɛ k’a ka hakiliɲagami bana muɲu?

  I ka jaabili

• Mun na Nikki y’a ye ko ale ka ɲi ka dɔgɔtɔrɔ dɔ ka dɛmɛ ɲini?—Mat. 9:12

  I ka jaabili

• Cogo jumanw na Nikki y’a jigi la Jehova kan walisa a k’ale dɛmɛ?

  I ka jaabili