“Baara nin do ka bon”

A LAMƐN KAAN NIN NA

ƝƆGƆNYEBA dɔ be kɛra Zeruzalɛmu dugu la. Masacɛ Dawuda ye Israɛldenw ɲɛmɔgɔw, soo kɔnɔ baarakɛlaw ani cɛɛ fariw bɛɛ weele ka na. U ninsɔndiyanin lo kosɔbɛ ka kunnafoni kɛrɛnkɛrɛnnin dɔ mɛn. Jehova ye cii di ko Dawuda dencɛ Solomani ka boon belebeleba dɔ lɔ tiɲɛn Ala batoli kama. Israɛl masacɛ Dawuda tun kɔrɔla. Jehova y’o boon pilan di a ma ani ale y’o di Solomani ma. Dawuda y’a fɔ ko: “Baara nin do ka bon, bari o dakamana soo nin te adamaden ta ye, nga Masa Ala ta lo.”—1 Til. Kib. 28:1, 2, 6, 11, 12; 29:1.

O kɔ, Dawuda ye ɲiningali kɛ ko: ‘Jɔn le bena sɔn bii k’a bololafɛn di Masaba [ Jehova] ma?’ (1 Til. Kib. 29:5). N’i tun b’o yɔrɔ la, i tun bena mun lo kɛ do? Yala o kumaw tun bena i lasun ka dɛmɛ don o baaraba la wa? Israɛldenw kɔni sinna k’o lo kɛ. Siga t’a la, u “tun nisɔndiyara u ka boɲafɛn nunu diko la, bari mɔgɔ tun ma u karaba u ka sɔrɔ k’o kɛ Masaba ye.”—1 Til. Kib. 29:9.

Saan kɛmɛkulu caaman o kɔ, Jehova ye batosoba dɔ bila sen kan Alako ta fan fɛ. O batosoba nafa ka bon kosɔbɛ ka tɛmɛ Solomani ta kan. O ye Ala ka labɛnw ye, a ye minw kɛ walisa adamadenw k’ale bato Yezu ka kunmabɔsara barika la (Eburuw 9:11, 12). Jehova be mɔgɔw dɛmɛ cogo di bi u ka jɛnɲɔgɔnya kɛ n’ale ye? A b’o kɛ an ka waajuli baara sababu fɛ (Mat. 28:19, 20). Nafa juman lo b’o la? Saan o saan, mɔgɔ miliyɔn caaman be bibulukalan kɛ n’an ye, mɔgɔ waa caaman be batize ani kafo kura kɛmɛ kɛmɛ lo be sigi sen kan.

Komi dɔ be farala Jehova Seerew hakɛ kan, an mako b’a la ka sɛbɛ caaman dilan, ka Masaya Boonw lɔ ani k’u ladon. An mako fana be lajɛnba kɛyɔrɔw la. An be baaraba lo kɛ ka kibaro diiman jɛnsɛn ani o baara nafa ka bon kosɔbɛ. Tiɲɛn tɛ?—Mat. 24:14.

Ala sagokɛlaw be Ala n’u mɔgɔɲɔgɔnw kanu. Ka fara o kan, u y’a faamu ko kɔrɔtɔko lo ka Masaya kibaro diiman fɔ. O lo b’u lasun k’u “bololafɛn di Masaba ma,” u kɛtɔ k’u kɔnɔ gwɛ ka nili kɛ. Ninsɔndiya lo an fɛ ka ‘Masaba [ Jehova] boɲa n’an bolofɛnw ye.’ A ka di an ye fana k’a ye ko baara ɲuman kɛra n’o fɛɛnw ye walisa waajuli baara ka se ka kɛ. O ye baaraba ye, min ɲɔgɔn ma deli ka kɛ!—Talenw 3:9.

DƆW BE DƐMƐ DON WAAJULI BAARA LA COGO MINW NA

Bi, mɔgɔ caaman be wari dɔ “mara gɛrɛfɛ” walisa k’o don nili buwati kɔnɔ min bilara “duniɲa kuru bɛɛ waajuli baara” kama (1 Kor. 16:2). Kalo o kalo, kafow b’o wari ci Jehova Seerew ka Betɛli dɔ ma min be waajuli baara koo ɲɛnabɔ u ka jamana na. E yɛrɛ fana be se k’i ka niliw ci Jehova Seerew ka tɔɔn dɔ ma min b’i ka jamana na. U ka tɔnba min b’i ka jamana na, n’i b’a fɛ k’o tɔgɔ lɔn, i ka kaan bɔ Betɛli ma. A ka ladɛrɛsi be sɔrɔ www.pr418.com kan. I be se ka niliw ci tɔnbolo ma cogo minw na, o filɛ nin ye:

NILI MINW BE SIN KA CI

Mɔgɔ be tɛmɛ banki karti dɔw fɛ ka wari ci, ka juru sara wala ka fɛɛn san. I be se ka tɛmɛ o karti fana fɛ ka nili kɛ. Jamana dɔw la, i be se ka tɛmɛ www.pr418.com wala Betɛli ka site wɛrɛ fɛ ka nili kɛ.
I be se ka wari, fɛɛn sɔngɔ gwɛlɛw wala nafolofɛn wɛrɛw di. Lɛtɛrɛ dɔ fara a kan k’a yira ko i tɛna segi k’o fɛɛnw minɛ tugun.

NILIW, I BE SE KA SEGI KA MINW MINƐ KƆFƐ

I be se ka wari di ani kɔfɛ n’i mako sera a ma, u b’a segi i ma.
Lɛtɛrɛ dɔ fara a kan k’a yira ko n’i mako sera a ma, i bena segi k’a minɛ.

NILI KƐCOGO WƐRƐW

Ka wari ni bololafɛn sɔngɔ gwɛlɛw niin bɔ a la, i be se ka tɛmɛ fɛɛrɛ wɛrɛw fɛ ka nili kɛ walisa ka dɛmɛ don waajuli baara la min be kɛ duniɲa kuru bɛɛ kɔnɔ. O fɛɛrɛw kofɔra jukɔrɔ. I mana fɛɛrɛ o fɛɛrɛ sugandi, kɔn ka kaan bɔ i ka jamana ka Betɛli ma walisa k’a filɛ min be se ka kɛ. Jamanaw ka sariyaw n’u ka lanpokow tɛ kelen ye. O kama, a kɔrɔtanin lo i ka ladili ɲini kolɔnbaga dɔ fɛ walisa k’a filɛ fɛɛrɛ min ka fisa.

Asiransi: I be se ka asiransi kɛ ani k’a fɔ ko i ka pansiyɔn wala i ka ninsara ka di Jehova Seerew ka tɔnbolo dɔ ma.

Kɔnti, banki la: I be se ka wari bila banki la ani i be wagati dɔ kɛ i tɛ se a ma (dépôt à terme). I be se k’o wari wala i ka pansiyɔn di Jehova Seerew ka tɔnbolo dɔ ma walisa a ka baara kɛ n’a ye. Wala i be se ka labɛn kɛ walisa n’i sara, i ka wari min be banki la, o ka di Jehova Seerew ka tɔnbolo dɔ ma ka kɛɲɛ ni banki ka sariyaw ye.

Jago tɔnɔ: I be tɔnɔ min sɔrɔ i ka jago la, i be se k’o wari dɔ don buwati la Masaya Boon kɔnɔ wala k’a ci Jehova Seerew ka tɔnbolo dɔ ma.

Luu ni parsɛli: Luu ni parsɛli minw be se ka feere, i be se k’u di Jehova Seerew ka tɔnbolo dɔ ma. Ni luu b’i fɛ, i be se k’o di k’a kɛ nili ye. Nka, a ka ɲi i ka sɛbɛ ci k’a yira ko i bena to o luu kɔnɔ i sii bɛɛ la.

Tɛstaman: I be se ka sɛbɛ dɔ kɛ ka kɛɲɛ ni sariya ye k’a yira ko i bololafɛnw wala i ka wari ka di cɛɛn ye Jehova Seerew ka tɔnbolo dɔ ma. Wala i be se k’a sɛbɛ ko i ka cɛɛn faan dɔ ka di Jehova Seerew ka tɔnbolo dɔ ma.

I ko a fɔra “Nili kɛcogo wɛrɛw” yɔrɔ la cogo min na, n’i b’a fɛ ka tɛmɛ o fɛɛrɛ dɔ fɛ ka nili kɛ, fɔɔ i ka labɛn dɔw kɛ.

N’i be kunnafoni wɛrɛw fɛ, i be se ka yɔrɔ nin digi jw.org kan: “Nili kɛ an ka baara kama min be kɛ duniɲa kuru bɛɛ kɔnɔ.” (A be sɔrɔ jw.org daminɛyɔrɔ la, jukɔrɔ.) I be se ka kaan bɔ Jehova Seerew ka tɔnbolo ma Benɛn jamana na. I be se ka tɛmɛ telefɔni fɛ k’o kɛ wala ladɛrɛsi min dira jukɔrɔ yɔrɔ la. Wala i be se ka kaan bɔ i ka jamana ka tɔnbolo ma.

JEHOVA SEEREW KA BETƐLI MIN BE BENƐN

Association Religieuse

Les Témoins de Jéhovah du Bénin

ARTJB, BP 312, AB-Calavi, Bénin

Telefɔni: (229) 97 97 00 60

Découvrez aussi…

I be se ka nili kɛ ɛntɛrɛnɛti sababu fɛ cogo min na

A filɛ i be se ka tɛmɛ fɛɛrɛ minw fɛ walisa ka nili kɛ.

KƆRƆSILI SANGASO—KALAN