BAROKUN KALANTA KAFO KƆNƆ 39
Jamaba filɛ nin ye!
“Ne ye jamaba dɔ ye, mɔgɔ si te se ka minw jati k’u daa lɔn. . . . U lɔnin tun be masasigilan ni Sagaden ɲafɛ.”—YIR. 7:9.
DƆNKILI 60 Sauver leurs vies (U ka kisili be bɔ o la)
BAROKUN KƆNƆNAKOW *
1. Ciden Zan ka koow tun be cogo di saan 95 fan fɛ Krista tile la?
SAAN 95 fan fɛ Krista tile la (K.T.L), koow tun man nɔgɔ ciden Zan fɛ. A tun kɔrɔla, faamanw tun y’a jalaki ani u tagara n’a ye Patimɔsi guun kan. N’a sɔrɔ ale kelen dɔrɔn lo tun be sii la cidenw cɛma (Yir. 1:9). A tun b’a lɔn ko kerecɛn murutininw be ngalon kalanw jɛnsɛnna kafo kɔnɔ ani u be kerecɛnw ka kelenya nagasira. A tun be komi yanni dɔɔni, u tun bena kerecɛn sɔbɛw sii tunu.—Zude 4; Yir. 2:15, 20; 3:1, 17.
Ciden Zan ye “jamaba” dɔ ye. Fanigwɛ tun b’o mɔgɔw kaan na ani tenfuraburu tun b’u bolo. (Dakun 2nan lajɛ)
2. Ka kɛɲɛ ni Yirali 7:9-14 ka fɔta ye, Zan ye yelifɛn kabakoman juman lo ye? (Jaa lajɛ ɲɛɛ fɔlɔ kan.)
2 Zan ka gwɛlɛyaw tuma na, Ala ye yelifɛn kabakoman dɔ yira a la ka ɲɛsin siniko ma. O yelifɛn na, mɛlɛkɛ dɔ tun b’a fɔra mɛlɛkɛ naani ye k’u ka tɔɔrɔba fɔɲɔ minɛ ka lɔ. A ko u k’o kɛ fɔɔ tagamasiɲɛ laban ka la Ala ka jɔɔnw teen na fɔlɔ (Yir. 7:1-3). O jɔɔnw ye mɔgɔ 144 000 ye minw bena mara kɛ ni Yezu ye sankolo la (Luka 12:32; Yir. 7:4). O kɔ, Zan ye jɛnkulu wɛrɛ kofɔ. O mɔgɔw tun ka ca fɔɔ a ko: “O tɛmɛnin kɔ, ne ko n be filɛli kɛ tugu, ne ye jamaba dɔ ye, mɔgɔ si te se ka minw jati k’u daa lɔn. Jamanaw bɛɛ mɔgɔw tun b’a la, ni siya bɛɛ. U lɔnin tun be masasigilan ni Sagaden ɲafɛ.” (Yirali 7:9-14 kalan). Miiri k’a filɛ Zan ninsɔn diyara cogo min na k’a lɔn ko sini ma, mɔgɔ caamanba bena Ala bato a ɲɛɛ ma!
3. a) Mun na Zan ka yelifɛn ka ɲi k’an ka limaniya sabati? b) An bena mun lo lajɛ barokun nin na?
3 Siga t’a la, o yelifɛn ye Zan ka limaniya barika bonya. A ka ɲi k’an ka limaniya barika bonya ka tɛmɛ sabu a be dafara an ka wagati la. Bi, mɔgɔ miliyɔn caaman y’a daminɛ ka Jehova bato. U jigi b’a la ka kisi tɔɔrɔba wagati
la ani ka ɲɛnamaya kɛ fɔɔ abada dugukolo kan. A saan 80 ni kɔ ye nin ye, Jehova y’a sagokɛlaw dɛmɛ u y’a faamu jamaba mɔgɔw ye minw ye. Barokun nin na, an bena a ye a y’o kɛ cogo min na. O kɔ, an bena koo fila lajɛ o jamaba koo la: 1) U ka ca kosɔbɛ ani 2) u be bɔ siyaw bɛɛ la. Minw bɛɛ jigi b’a la ka kɛ jamaba mɔgɔw cɛma, o koo fila ka ɲi k’olu ka limaniya sabati.JAMABA MƆGƆW BENA ƝƐNAMAYA KƐ MIN?
4. Legiliziw tɛ Bibulu ka tiɲɛnkalan juman lo faamu? Nka Bibulu Kalandenw ye mun lo faamu?
4 A fɔra Bibulu kɔnɔ ko loon dɔ, mɔgɔ kantigiw bena ɲɛnamaya kɛ kudayi dugukolo kan. Nka, kerecɛn tɔgɔtigiw tɛ mɔgɔw kalan o la (2 Kor. 4:3, 4). Bi, legiliziw fanba b’a fɔ ko mɔgɔ ɲumanw bɛɛ be taga sankolo la u sanin kɔ. Nka, Bibulu Kalandenw jɛnkulu dennin min y’a daminɛ ka Kɔrɔsili Sangaso bɔ saan 1879, olu ka kalanw tun be dan na. U tun y’a faamu ko Ala bena alijɛnɛ sigi kokura dugukolo kan. U ka faamuyali la, mɔgɔ kantigi miliyɔn caaman bena ɲɛnamaya kɛ dugukolo kan yan le. U tɛna a kɛ sankolo la. Nka, walisa u k’a faamu o mɔgɔ kantigiw ye minw ye tigitigi, o ye wagati caaman ta.—Mat. 6:10.
5. Bibulu Kalandenw tun ye mun lo faamu mɔgɔ 144 000 nunu koo la?
5 Bibulu Kalandenw tun y’a faamu fana ko Ala bena jɛnkulu dɔ “kunmabɔ dugukolo kan” walisa o mɔgɔw ka mara kɛ ni Yezu ye sankolo la (Yir. 14:3). O jɛnkulu mɔgɔw tun bena kɛ kerecɛn 144 000 ye minw kisɛyanin lo. U tun bena u yɛrɛkun di Ala ma k’a sago kɛ kantigiya la k’u to dugukolo kan. Nka, Bibulu Kalandenw tun be mun lo miiri jamaba mɔgɔw koo la?
6. Bibulu Kalandenw tun be mun lo miiri jamaba mɔgɔw koo la?
6 Zan ka yelifɛn na, a ye jamaba dɔ ye, “u lɔnin tun be masasigilan ni Sagaden ɲafɛ.” (Yir. 7:9). O kama, Bibulu Kalandenw tun b’a miiri ko jamaba mɔgɔw bena taga sankolo la i ko mɔgɔ 144 000 nunu. N’o jɛnkulu fila bɛɛ tun bena taga sankolo la, faranfasi juman lo tun b’u ni ɲɔgɔn cɛ? Bibulu Kalandenw tun b’a miiri ko jamaba mɔgɔw ye kerecɛnw ye minw ma kantigiya kɛ Ala ye bɛrɛbɛrɛ k’u to dugukolo kan. U tun be Bibulu ka sariyaw labato tagamacogo ta fan fɛ. Nka, n’a sɔrɔ u dɔw tora kerecɛn tɔgɔtigiw ka legiliziw kɔnɔ. Bibulu Kalandenw tun b’a jati k’o mɔgɔw be Ala kanu nka, u ka kanuya barika man bon walisa ka mara kɛ ni Yezu ye. O kama, u tɛna sigi masasigilanw kan, nka u bena lɔ masasigilan ɲɛfɛ le.
7. Bibulu Kalandenw ka miiriya la, jɔn lo tun bena ɲɛnamaya kɛ dugukolo kan saan waa kelen mara wagati la? U tun be mun lo miiri galen cɛɛ kantigi dɔw koo la?
7 N’o lo, jɔn lo tun bena ɲɛnamaya kɛ dugukolo kan? Bibulu Kalandenw tun b’a miiri ko mɔgɔ 144 000 ani jamaba mɔgɔw bena lajɛn sankolo la. O kɔ, mɔgɔ miliyɔn caaman tun bena ɲɛnamaya diyabɔ dugukolo kan Krista ka saan waa kelen mara wagati la. Olu fɛ, o mɔgɔw tun tɛna Jehova sago kɛ ka kɔn Krista ka mara ɲɛ. Nka, u tun bena lɔnniya sɔrɔ Jehova koo la saan waa kelen mara wagati lo la. O kɔ, minw tun bena Jehova ka sariyaw labato, olu tun bena ɲɛnamaya banbali kɛ dugukolo kan. Minw tun bena muruti, olu tun Zab. 45:17.
bena halaki. Bibulu Kalandenw tun b’a miiri fana ko n’a sɔrɔ minw tun bena kɛ “ɲɛmɔgɔw” ye dugukolo kan saan waa kelen mara wagati la, olu tun bena taga sankolo la o saan waa kelen mara kɔ. U tun b’a miiri ko cɛɛ kantigi minw sara ka kɔn Krista ka wagati ɲɛ ani u suu kununa saan waa kelen mara wagati la, olu dɔw tun bena kɛ o “ɲamɔgɔw” cɛma.—8. Bibulu Kalandenw tun b’a miiri ko jɛnkulu saba jumanw lo be yen?
8 O la, Bibulu Kalandenw tun b’a miiri ko jɛnkulu saba lo be yen: 1) Mɔgɔ 144 000 minw bena mara kɛ ni Yezu ye sankolo la, 2) jamaba mɔgɔw, olu minw tɛ Ala kanu kosɔbɛ ani u bena lɔ masasigilan ni Sagaden ɲɛfɛ sankolo la ani 3) mɔgɔ miliyɔn caaman minw bena lɔnniya sɔrɔ Ala ka sariyaw koo la dugukolo kan, saan waa kelen mara wagati la. * Nka Jehova ka wagati latigɛnin na, a y’u dɛmɛ u y’o koo faamu ka ɲɛ.—Talenw 4:18.
AN KA FAAMUYALI GWƐRA
Saan 1935 ka lajɛnba la, mɔgɔ caamanba batizera. U fanba ka jigiya tun ye ka ɲɛnamaya kɛ dugukolo kan (Dakun 9nan lajɛ)
9. a) Kɔrɔ juman na jamaba mɔgɔw be se ka lɔ “masasigilan ni Sagaden ɲafɛ” k’u to dugukolo kan? b) An ye faamuyali min sɔrɔ Yirali 7:9 koo la, mun na o bɛnnin lo?
9 Jamaba min kofɔra Zan ka yelifɛn na, saan 1935, Jehova Seerew y’a faamu ka ɲɛ o ɲɛsinna mɔgɔ minw ma. An y’a faamu ko waajibi tɛ o jamaba ka kɛ sankolo la walisa ka lɔ “masasigilan ni Sagaden ɲafɛ.” O kumaw ye tagamasiɲɛ lo ye. Hali ni jamaba mɔgɔw bena ɲɛnamaya kɛ dugukolo kan, u be se ka lɔ “masasigilan . . . ɲafɛ.” U be se k’o kɛ u kɛtɔ ka sɔn Jehova ka kuntigiya ma ani ka mɛnni kɛ a fɛ (Ezayi 66:1). U be se ka lɔ “Sagaden ɲafɛ” fana u kɛtɔ ka la a la ko Yezu y’a niin di an kosɔn. A fɔra fana Matiyo 25:31, 32 kɔnɔ ko Yezu bena sigi a ka masasigilan nɔɔrɔman kan ani “siyaw bɛɛ bena lajɛn a ɲafɛ,” hali mɔgɔ juguw yɛrɛ. An do b’a lɔn k’o siyaw bɛɛ be dugukolo lo kan, u tɛ sankolo la. O la, an ye faamuyali kura min sɔrɔ jamaba mɔgɔw koo la, o bɛnnin lo. An b’a faamu fɛɛn min kama Bibulu t’a fɔ ko jamaba mɔgɔw bena taga sankolo la. Layidu tara jɛnkulu kelen dɔrɔn lo ye k’u bena ɲɛnamaya banbali kɛ sankolo la. O ye mɔgɔ 144 000 nunu lo ye. Olu ni Yezu bena kɛ “masaw . . . ye dugukolo” kun na.—Yir. 5:10.
10. Mun na jamaba mɔgɔw ka ɲi ka lɔnniya sɔrɔ Jehova koo la ka kɔn saan waa kelen mara ɲɛ?
10 Kabi saan 1935, Jehova Seerew y’a faamu ko jamaba min kofɔra Zan ka yelifɛn na, o ye kerecɛn kantigiw jɛnkulu lo ye. U ka jigiya ye ka ɲɛnamaya kɛ kudayi dugukolo kan. Walisa o jamaba ka kisi tɔɔrɔba wagati la, u ka ɲi ka lɔnniya sɔrɔ Jehova koo la ani k’a bato ka kɔn saan waa kelen mara ɲɛ. U ka ɲi ka kɛ ni limaniya barikaman ye walisa “ka se ka kisi o koo nataw bɛɛ ma.” O koow bena kɛ ka kɔn Krista ka saan waa kelen mara ɲɛ.—Luka 21:34-36.
11. Mun na Bibulu Kalanden dɔw tun b’a miiri ko n’a sɔrɔ dɔw tun bena taga sankolo la saan waa kelen mara kɔ?
11 An tun b’a miiri ko mɔgɔ kantigi minw bena to dugukolo kan, olu dɔw tun bena taga sankolo la saan waa kelen mara kɔ. O koo fɔra saan 1913, mɛkalo ka Kɔrɔsili Sangaso kɔnɔ (faransɛkan na). Dɔw tun b’a miiri ko: “Galen mɔgɔ kantigi minw bena lakunu, mun na olu dɔw bena to dugukolo kan, k’a sɔrɔ kerecɛn minw
ma kantigiya kɛ bɛrɛbɛrɛ olu bena taga sankolo la?” U tun be miiri o cogo la sabu u tun be ni miiriya fila ye minw bɛnnin tɛ: 1) u tun b’a miiri ko jamaba mɔgɔw bena taga sankolo la ani ko 2) o mɔgɔw ye kerecɛnw ye minw ma kantigiya kɛ bɛrɛbɛrɛ.12-13. Kerecɛn mɔlenw ani jamaba mɔgɔw bena duga minw sɔrɔ, u be mun lo faamu o koo la?
12 I ko an y’a ye cogo min na, kabi saan 1935, an y’a faamu ka ɲɛ ko Zan ye jamaba min ye a ka yelifɛn na, olu lo bena kisi Arimagedɔn kɛlɛ la. O jamaba bena kisi ka ‘bɔ tɔɔrɔba’ la min bena kɛ yan dugukolo kan. U bena “to k’u kaan kɔrɔta k’a fɔ ko: ‘An ka Ala min be masasigilan kan, anw kisira ale ni Sagaden sababu la.’ ” (Yir. 7:10, 14). Bibulu b’a fɔ fana ko minw bena lakunu ka taga sankolo la, olu bena “fɛnɲuman” sɔrɔ “min ka fisa” ni galen mɔgɔ kantigiw ta ye (Eburuw 11:40). Balimaw ye faamuyali kura min sɔrɔ saan 1935, o y’u lasun ka waajuli kɛ ni ninsɔndiya ye. U ye mɔgɔw jija u ka Jehova sago kɛ ani u ka jigiya sɔrɔ ka ɲɛnamaya kɛ fɔɔ abada dugukolo kan.
13 Jamaba mɔgɔw ninsɔn ka di u ka jigiya kosɔn. U b’a faamu ko Jehova lo b’a latigɛ a sagokɛla kantigiw bena ale sago kɛ yɔrɔ min na: sankolo la wala yan dugukolo kan. Kerecɛn mɔlenw ani jamaba mɔgɔw b’a faamu k’u bena duga minw sɔrɔ, u yɛrɛ ka setigiya sababu tɛ. U b’a faamu ko Jehova lo y’o nɛɛma kɛ u ye Yezu Krista ka kunmabɔsara sababu fɛ.—Ɔrɔm. 3:24.
JAMABA MƆGƆW KA CA KOSƆBƐ
14. Kiraya kuma min ɲɛsinna jamaba mɔgɔw ma, mun na saan 1935 kɔ, mɔgɔ caaman tun b’u yɛrɛ ɲiningara a bena dafa cogo min na?
14 Tiɲɛn lo ko saan 1935 la, Jehova sagokɛlaw ye faamuyali sɔrɔ bɛrɛbɛrɛ jamaba mɔgɔw koo la, olu minw ka jigiya ye ka ɲɛnamaya kɛ dugukolo kan. Nka, mɔgɔ caaman bele tun b’u yɛrɛ ɲiningara o jamaba mɔgɔw hakɛ tun bena caya cogo min na. Ronald Parkin tun be ni saan 12 ye tuma min na an y’a faamu jamaba mɔgɔw ye minw ye. A ko: “O wagati la, weleweledala 56 000 ɲɔgɔn lo tun be yen duniɲa kuru bɛɛ kɔnɔ. Ani n’a sɔrɔ u fanba tun ye kerecɛn mɔlenw ye. O la, a tun be komi jamaba mɔgɔw man ca kojugu.”
15. Mun ni mun lo y’a to dɔ be tora ka fara jamaba mɔgɔw kan?
15 Saan 10 ɲɔgɔn saan 1935 kɔ, u y’a daminɛ ka misɔndenw ci ka taga jamana Ezayi 60:22). Kɔsa la, Jehova ka ɔriganisasiyɔn ye fɛɛn nafaman caaman labɛn. A y’o kɛ walisa ka mɔgɔw dɛmɛ u ka Bibulu ka kalanw faamu. Siga t’a la, Jehova be jamaba mɔgɔw lajɛnna. Bi, u be mɔgɔ miliyɔn 8 ni kɔ bɔ.
caaman na. O y’a to Jehova Seerew hakɛ tora ka caya. Saan 1968, an y’a daminɛ ka bibulukalan kɛ ni mɔgɔw ye cogo kura la. An y’o daminɛ gafe nin kɔnɔ: La vérité qui conduit à la vie éternelle. O gafe be Bibulu ka kalanw ɲɛfɔ cogo nɔgɔman na. O ye mɔgɔ caamanba lasun ka na tiɲɛn sira kan ka tɛmɛ fɔlɔ kan. Saan naani kɔnɔ, mɔgɔ waa kɛmɛ duuru ni kɔ batizera. Ameriki Latine ani jamana wɛrɛw la, katoliki diinan fanga dɔgɔyara mɔgɔw kan. Faamanw ye bali wuli fana an ka baara kan Erɔpu kɔrɔn fan fɛ ani Afiriki jamana dɔw la. O koow bɛɛ y’a to mɔgɔ miliyɔn caaman wɛrɛw batizera (JAMABA MƆGƆW BE BƆ SIYAW BƐƐ LA
16. Jamaba mɔgɔw be bɔra min le?
16 Tuma min na Zan tun b’a ka yelifɛn sɛbɛra, a y’a fɔ jamaba koo la ko: “Jamanaw bɛɛ mɔgɔw tun b’a la, ni siya bɛɛ.” Kira Zakari tun kɔnna k’o ɲɔgɔn fɔ. A ko: “O waati la, siya wɛrɛw mɔgɔ tan bena zuwifu kelen ka fani dagolo Zak. 8:23.
minɛ ka to k’a fɔ ko: ‘An b’a fɛ ka taga n’aw ye, bari an y’a mɛn ko Ala b’aw le fɛ.’ ”—17. Mun lo be kɛra walisa ka jamanaw ani siyaw bɛɛ mɔgɔw dɛmɛ?
17 Jehova Seerew y’a faamu ko kibaro diiman ka ɲi ka fɔ kaan caaman na walisa siyaw bɛɛ ka se ka lajɛn. A saan 130 ni kɔ ye nin ye, an b’an ka sɛbɛw bayɛlɛmana. Bi, an b’o kɛra kaan kɛmɛ kɔnɔntɔn ni kɔ la. O ɲɔgɔn ma deli ka kɛ ka ye. Siga t’a la, Jehova be kabakoba kɛra. A be jamaba lajɛnna ka bɔ siyaw bɛɛ la. Bibulu n’an ka sɛbɛw be sɔrɔ kaan caaman na. O kama, an be sera ka Jehova bato kelenya la, hali n’an be bɔ siyaw bɛɛ la. A lɔnnin lo fana ko an kisɛyanin lo waajuli la ani ko an be ɲɔgɔn kanu sɔbɛ la. O koow bɛɛ b’an ka limaniya sabati kosɔbɛ!—Mat. 24:14; Zan 13:35.
ZAN KA YELIFƐN B’AN NAFA COGO DI?
18. a) Ka kɛɲɛ ni Ezayi 46:10, 11 ye, kiraya kuma min ɲɛsinna jamaba ma, mun na a tɛ bari an na ko Jehova y’o dafa? b) Minw ka jigiya ye ka ɲɛnamaya kɛ dugukolo kan, mun na olu t’a jati ko Jehova y’u jɛn fɛɛn ɲuman dɔ la?
18 Kiraya kuma min ɲɛsinna jamaba ma, o b’an ninsɔn diya kosɔbɛ! A tɛ bari an na k’a ye ko Jehova y’o dafa cogo kabakoman na (Ezayi 46:10, 11 kalan). Jamaba mɔgɔw be Jehova waleɲuman lɔn u ka jigiya kosɔn. U t’a jati ko Jehova y’u jɛn fɛɛn ɲuman dɔ la sabu a m’u mɔ ni hakili senu ye walisa u ka baara kɛ ni Yezu ye sankolo la. Cɛɛw ni muso kantigi dɔw kofɔra Bibulu kɔnɔ i n’a fɔ Dawuda ni Zan Batizelikɛla (Mat. 11:11; Kɛw. 2:34). U tun be ni Ala ka hakili senu ye k’a sɔrɔ u tun tɛ mɔgɔ 144 000 nunu dɔ ye. Dawuda, Zan Batizelikɛla ani mɔgɔ caaman wɛrɛw bena lakunu ka to alijɛnɛ kɔnɔ dugukolo kan. Olu bɛɛ ani jamaba mɔgɔw bena sababu sɔrɔ k’a yira Jehova la k’u ye kantigiw ye ani k’u b’a ka Masabaya lafasa.
19. Zan ye yelifɛn min ye jamaba koo la, n’an y’o faamu ka ɲɛ, an bena an jija ka mun lo kɛ?
19 Ala ma deli ka mɔgɔ miliyɔn caaman lajɛn ten ka bɔ jamana caaman na walisa u k’ale bato ɲɔgɔn fɛ. An ka jigiya ye ka taga sankolo la wo, ka to dugukolo kan wo, an k’an jija ka mɔgɔ caamanba dɛmɛ. An k’u dɛmɛ u ka na fara jamaba mɔgɔw kan, olu minw ye “saga dɔ wɛrɛw” ye (Zan 10:16). Dɔɔni, Jehova bena a to tɔɔrɔba be daminɛ. O tɔɔrɔba lo bena gofɛrɛnɛmanw ni ngalon diinanw halaki, olu minw ye tɔɔrɔba la adamadenw kan. Nɛɛmaba be jamaba mɔgɔw kɔnɔna. U bɛɛ bena sababu sɔrɔ ka Jehova sago kɛ dugukolo kan fɔɔ abada!—Yir. 7:14.
DƆNKILI 139 Imagine-toi dans le monde nouveau (Miiri k’a filɛ ko i be duniɲa kura kɔnɔ)