Kunkanbaaraba dɔ kalifara bangebagaw ma. O ye k’u deenw kalan Jehova koo la (Efɛz. 6:4). Walisa ka bangebagaw dɛmɛ, Jehova ka ɔriganisasiyɔn ye barokunw, videwow ni dɔnkili caaman labɛn. I be se ka baara kɛ n’u ye cogo di k’i deenw kalan?

• Taga jw.org kan. Fɛɛn caaman be yen minw labɛnna denmisɛnw kama i n’a fɔ videwow. Fɛɛn dɔw be yen fana u be se ka minw telesarse ka sɛbɛri wala desɛn kɛ minw kan. a Walisa k’u sɔrɔ, kumaden nunu ɲini ɲinini kɛyɔrɔ la: “Enfants” wala “Adolescents.”

• Fɛɛn minw bɛnnin lo i deen ma, olu sugandi. U be sɔrɔ yɔrɔ nin na: “Enfants.” U dɔw be sɔrɔ fana yɔrɔ nin na: “Activités pour le culte familial.”

• Wagati ta ka an ka videwow wala baarakɛtaw lajɛ n’i deen ye. Kana o di a ma a k’o kɛ a kelen walisa a k’i ɲɛsuma to. Nka, baro kɛ n’a ye o fɛɛnw kan ani a dɛmɛ a k’a ka teriya barika bonya ni Jehova ye.