N’an be Bibulu kalanna, an be se ka sɛgɛsɛgɛriw kɛ walisa k’a faamu bɛrɛbɛrɛ. Nka, an man ɲi ka Bibulu kalan dɔrɔn sabu an b’a fɛ ka dɔ fara an ka lɔnniya kan. An b’a fɛ ka koo caaman lɔn fana Jehova jogow koo la walisa k’a kanu kosɔbɛ tugun. O la, an be se k’an yɛrɛ ɲininga ko: “Bibulusen nin be mun lo yira n’ na Jehova koo la?”

Misali la, Jehova ye a ka jogo kabakomanw yira cogo minw na, an be se k’a ɲini ka dɔ lɔn tugun u koo la. O jogow ye kanuya, hakilitigiya, tilenninya ani setigiya ye. Nka olu dɔrɔn lo tɛ Jehova jogow ye. A be ni jogo ɲuman wɛrɛw ye. I be se ka kunnafoniw sɔrɔ a jogow koo la min?

Jehova jogo 50 ni kɔ lajɛ Index kɔnɔ yɔrɔ nin na: “Jéhovah” ani cɛtigɛ nin jukɔrɔ: “Qualités par nom.” I be Bibulu yɔrɔ min kalanna, jogo min kofɔra yen, sɛgɛsɛgɛri kɛ o kan. (Ni Guide de recherche lo b’i fɛ, a filɛ yɔrɔ nin na: “Jéhovah Dieu” ani cɛtigɛ nin jukɔrɔ: “Qualités de Jéhovah.”)