Kalanbaga kanulen

Barokun kalanta duuru lo be sɔrɔ Kɔrɔsili Sangaso nin kɔnɔ. O barokunw be taga ɲɔgɔn fɛ.

• Barokun fɔlɔ bena an dɛmɛ k’a faamu Jehova be adamadenw kanu cogo min na. An bena a ye fana a ye min kɛ walisa k’an dɛmɛ ka see sɔrɔ jurumu kan ani k’an koo diya ale ye.

• Barokun filanan na, an bena a ye mɔgɔ ka ɲi ka min kɛ n’a nimisanin lo ani Jehova ye mɔgɔ dɔw dɛmɛ cogo min na walisa u ka nimisa.

• Barokun sabanan bena an dɛmɛ k’a faamu cii min dira Korɛnti kafomɔgɔw ma walisa u ka jurumukɛla dɔ ka koo ɲɛnabɔ. O tigi tun ye jurumuba kɛ ani a ma nimisa.

• Barokun naaninan na, an bena a ye minw ye jurumuba dɔ kɛ, diinan mɔgɔkɔrɔw be olu dɛmɛ cogo min na.

• Barokun duurunan na, an bena a ye u ye minw bɔ kafo kɔnɔ, kafodenw be se ka to k’a yira olu la cogo min na k’u be u kanu ani k’u be makari u la.