I ko an fanba, i ye min kalan, n’a sɔrɔ a ka gwɛlɛ i ma k’i hakili jigi o la. Nka Yezu ye ɲɛyirali minw ta, i y’a kɔrɔsi ko a ka nɔgɔ k’i hakili jigi u la wa? Mun na do? Sabu o ɲɛyiraliw be kɛ i ko jaaw an hakili la. O cogo kelen na i be min kalan, n’i b’o ɲɛgɛn, i hakili ka teli ka to o la. I be se k’o kɛ cogo di do? Kalan tuma na, miiriyaw ɲɛgɛn.

Tuma caaman na mɔgɔw be fɛɛn kura minw kalan, n’u b’o ɲɛgɛn, u hakili ka teli ka to o la. O b’u dɛmɛ u hakili ka to kumadenw ni miiriyaw la. U be jaa minw ɲɛgɛn, jaa ɲumanbaw tɛ, nka jaa nɔgɔmanw lo. Daliluw b’a yira k’o kɛcogo be mɔgɔkɔrɔbaw yɛrɛ lo nafa ka tɛmɛ.

Siɲɛ wɛrɛ n’i be kalan kɛra, i ye koo minw faamu, mun na i t’o ɲɛgɛn k’a filɛ? I hakili bena to fɛɛn minw bɛɛ la, n’a sɔrɔ o bena bari i la yɛrɛ!