Wagati min be an kelen kelen bɛɛ fɛ kelenna kalan kama, o man ca. O la, an be se ka baara ɲuman kɛ n’o wagati ye cogo di? A fɔlɔ, i be min kalanna, wagati ta k’o sɛgɛsɛgɛ koɲuman. I bena nafa sɔrɔ bɛrɛbɛrɛ i ka kelenna kalan na, n’i be kunnafoni damanin dɔrɔn lajɛ koɲuman, sanni ka kunnafoni caaman lajɛ joona joona.

O kɔ, a latigɛ i bena a daminɛ ka kalan kɛ koo minw kan (Efɛz. 5:15, 16). Ladili nunu lajɛ:

• Bibulu kalan loon o loon (Zab. 1:2). Bibulu kalangwɛ porogramu min be sɔrɔ an ka Lajɛnsɛbɛ kɔnɔ lɔgɔkun o lɔgɔkun, n’a sɔrɔ i be se k’a daminɛ n’o ye.

• I yɛrɛ labɛn Kɔrɔsili Sangaso kalan ani kerecɛnw ka ɲɛnamaya n’u ka waajuli baara lajɛn kama. I yɛrɛ labɛn ka lakalitaw kɛ.—Zab. 22:23.

• An ka zurunaliw, videwow ani fɛɛn wɛrɛ minw be sɔrɔ jw.org kan, i jija k’olu fana lajɛ.

• Sɛgɛsɛgɛri kɛ koo dɔ kan min ka di i ye. I be se ka sɛgɛsɛgɛri kɛ koo nunu dɔ kan: gwɛlɛya min b’i kan, i ka ɲiningali dɔ wala Bibulu ka barokun dɔ i b’a fɛ ka min faamu bɛrɛbɛrɛ.