JW Library kun jɔnjɔn ye ka mɔgɔw dɛmɛ u ka Bibulu kalan ani k’a sɛgɛsɛgɛ.

A kɛ ten:

•  Bibulu telesarse

•  Bibulu bɔ yen

•  Yɛlɛmaniw, Bibulu min na

I be se ka Bibulu bayɛlɛmani wɛrɛw telesarse walisa k’u kalan ani k’u sɛgɛsɛgɛ kɔfɛ n’i tɛ ɛntɛrɛnɛti kan tugun.

• Navigatɛri yɛlɛ, “Bible” yɔrɔ digi walisa ka Bibulu ka gafew tɔgɔ ye.

• Kaanw yɛlɛma yɔrɔ digi k’a filɛ Bibulu be sɔrɔ kaan minw bɛɛ la. I ka teli ka Bibulu kalan kaan minw na, olu be sɔrɔ sanfɛ. N’i be kaan dɔ fɛ, i be se fana k’o tɔgɔ sɛbɛ wala ka Bibulu bayɛlɛmani dɔ tɔgɔ sɛbɛ. Ɲɛyirali fɛ, a sɛbɛ “int” walisa ka Kingdom Interlinear sɔrɔ angilikan na wala “port” sɛbɛ walisa k’a filɛ Bibulu minw bɛɛ be sɔrɔ Pɔrtigɛkan na.

• I ma Bibulu minw telesarse fɔlɔ, sankaba tagamasiɲɛ be olu gɛrɛfɛ. Bibulu dɔ digi k’a telesarse. N’a telesarsera ka ban, sankaba tagamasiɲɛ be tunu. O Bibulu digi tugun k’a kalan.

I be Bibulu bayɛlɛmani min fɛ, n’i m’o sɔrɔ, segi k’a filɛ kɔfɛ. Ni Bibulu bayɛlɛmani wɛrɛw nana sɔrɔ u bena fara yen.

I be se ka Bibulu bayɛlɛmani dɔ bɔ yen n’i mako t’a la tugun wala n’i b’a fɛ ka yɔrɔ labila.

I b’a fɛ ka Bibulu min bɔ yen, i bolokunnanden digi yɔrɔ nin kan. O kɔ, “Supprimer” yɔrɔ digi.

I ye Bibulu min telesarse, tuma dɔw la, u be yɛlɛmani dɔw kɛ a la.