Biblia me kpɔɖeŋu:

• 3Mo 22:​17-22—Yehowa bia tso Israel-viwo si be ne woatsɔ lã asa vɔe la, woazã esi “sɔ blibo,” si naneke mewɔ afi aɖeke na o; Hebrigbe me nya si gɔme woɖe be “sɔ blibo” agate ŋu afia “nuteƒewɔwɔ.” Esia na míekpɔe be fɔmaɖimaɖi alo nuteƒewɔwɔ fia be ame natsɔ eɖokui ana Yehowa asubɔe kple dzi blibo

• Hio 1:​1, 4, 5, 8; 2:3—Ale si Hiob nɔ agbee la na míekpɔe be hafi ame nayi edzi azɔ le fɔmaɖimaɖi me la, ele be wòade bubu deto Yehowa ŋu, asubɔe kple dzi blibo eye wòawɔ nu si sɔ le Yehowa ŋkume

Biblia me kpɔɖeŋu:

• Hio 31:​1-11, 16-33—Hiob ɖoe be yemanɔ ŋku lém ɖe ɖetugbui ŋu madzemadzee o, ewɔ nu ɖe amewo ŋu nyuie eye wòde bubu wo ŋu tsɔ ɖee fia be yewɔa nuteƒe na Yehowa gbe sia gbe. Esubɔ Yehowa ɖeka ko, mesubɔ trɔ̃ o eye meti kesinɔnuwo hã yome o

• Da 1:​6-21—Togbɔ be Daniel kple exɔlɔ̃ etɔ̃awo nɔ ame siwo mesubɔa Yehowa o dome hã la, woyi edzi wɔ ɖe Yehowa ƒe sewo dzi le nu siwo woaɖu gɔ̃ hã me