Biblia me kpɔɖeŋu:

• 1Mo 24:​1-4, 7—Abraham si tsi la di vevie be ye vi Isak naɖe srɔ̃ le Yehowa subɔlawo dome, ke menye le Kanaantɔ siwo subɔa mawu bubuwo la dome o

• 1Mo 28:​1-4—Isak gblɔ na via Yakob be wòagaɖe Kanaan-nyɔnu o, ke boŋ wòaɖe Yehowa subɔla

Biblia me kpɔɖeŋu:

• 1Fi 11:​1-6, 9-11—Yehowa do dziku ɖe Fia Salomo ŋu vevie esi wògbe Yehowa ƒe mɔfiamewo eye wòɖe dutanyɔnu siwo trɔ eƒe dzi wòdze mawu bubuwo yome

• Neh 13:​23-27—Abe Yehowa ene la, Nutodziɖula Nehemiya hã do dziku vevie eye wòhe to na Israel-ŋutsu siwo ɖe dutanyɔnuwo eye wòɖɔ wo ɖo

Biblia me kpɔɖeŋu:

• 1Sa 25:​2, 3, 14-17—Nabal nye kesinɔtɔ gake enye ŋlɔmitɔ si meɖɔ ʋu o, esia na be menye srɔ̃ŋutsu nyui na Abigail o

• Lod 21:9—Ne ame aɖe ɖe ame si ƒe nɔnɔmewo menyo o la, makpɔ dzidzɔ o eye eƒe dzi madze eme hã o

• Ro 7:2—Apostolo Paulo gblɔ be ne nyɔnu ɖe srɔ̃ la, eva nɔa srɔ̃a si mede blibo o ƒe ŋusẽ te, eya ta ele be nyɔnu si dze aɖaŋu nakpɔ nyuie le ame si wòalɔ̃ be yeaɖe ŋu

Biblia me kpɔɖeŋu:

• Lod 24:27—Hafi ŋutsu aɖe naɖe srɔ̃ eye ɖewohĩ wòadzi vi la, ele be wòawɔ dɔ sesiẽ anɔ klalo na ƒome dzi kpɔkpɔ

Biblia me kpɔɖeŋu:

• Ru 2:​4-7, 10-12—Boaz nya Rut nyuie esi wòlé ŋku ɖe ale si wòdoa vevie dɔ, ale si wòléa be na Naomi kple ale si wòlɔ̃ Yehowa ŋu, eye ese nya nyuiwo tso ame bubuwo hã gbɔ tso Rut ŋu

• Ru 2:​8, 9, 20—Rut nya Boaz nyuie esi wòlé ŋku ɖe ale si Boaz nyoa dɔme kple ale si wòlɔ̃ Yehowae ŋu

Biblia me kpɔɖeŋu:

• Lod 5:​18, 19—Srɔ̃tɔwo koe kpɔ mɔ awɔ lɔlɔ̃ɖeɖefia nuwɔna aɖewo

• Haw 1:2; 2:6—Esi alẽkplɔla kple Sulam ɖetugbui la nɔ zɔzɔm la, woɖe lɔlɔ̃ fia wo nɔewo le mɔ si sɔ nu eye wonɔ dzadzɛ le woƒe nuwɔnawo me

• Haw 4:12; 8:​8-10—Sulam ɖetugbuia nɔ agbe dzadzɛ, eɖu eɖokui dzi eye wònɔ abe abɔ si ƒe agbo wodo ene

Biblia me kpɔɖeŋu:

• 1Mo 21:​8-12—Yehowa bia tso Abraham si be wòaɖo to Sara togbɔ be Abraham melɔ̃ ɖe Sara ƒe susu aɖe dzi o hã

• Lod 31:​10, 11, 16, 28—Srɔ̃nyɔnu zazɛ̃ si ŋu woƒo nu tsoe le afi sia la srɔ̃ŋutsu meɖoa nu nɛ alo nɔa vodada dim le eŋu o, ke boŋ ekana ɖe edzi eye wòkafunɛ

• Ef 5:33—Nya si gbɔgbɔ ʋa apostolo Paulo wòŋlɔ la ɖee fia be ele be srɔ̃nyɔnu nakpɔe be ye srɔ̃ lɔ̃ ye

Biblia me kpɔɖeŋu:

• Lod 1:8; 1Ko 7:4—Mawu na ŋusẽ aɖe sinu srɔ̃nyɔnuwo kple vidadawo le ƒomea me

• 1Ko 11:3—Apostolo Paulo ɖe eme be ame sia me le tanyenye ƒe ɖoɖo aɖe te, negbe Mawu Ŋusẽkatãtɔ la ko

• Heb 13:​7, 17—Le hamea me la, ele be ŋutsuwo kple nyɔnuwo siaa nabɔbɔ wo ɖokuiwo na ame siwo le ŋgɔ xɔm eye woaɖo to wo

Biblia me kpɔɖeŋu:

• 1Mo 18:12; 1Pe 3:​5, 6—Sara dea bubu deto srɔ̃a ŋu, eye wòbunɛ be enye yeƒe “aƒetɔ” alo yeƒe ta si Mawu ɖo

Biblia me kpɔɖeŋu:

• 1Mo 24:​62-67—Rebeka fa akɔ na srɔ̃a Isak le dadaa ƒe ku ta

• 1Sa 25:​14-24, 32-38—Abigail tsɔ ɖokuibɔbɔ ɖe kuku na David be wòakpɔ nublanui na ye srɔ̃ movitɔ la, esia wɔe be Abigail kpɔ eƒe aƒemetɔwo ta

• Es 4:​6-17; 5:​1-8; 7:​1-6; 8:​3-6—Fianyɔnu Esta de eƒe agbe afɔku me zi eve esi wòdo ɖe srɔ̃a si nye fia ŋkume evɔ womekpee o, eye wòɖe kuku nɛ be wòakpɔ Mawu ƒe amewo ta